৬ কোটি টকাৰ ব্যয়েৰে অযোধ্যাত সম্পূৰ্ণ হ'ল ৰামায়ণৰ ওপৰত বিশ্বৰ প্ৰথমটো মমৰ সংগ্ৰহালয়

ডিজিটেল ডেস্কঃ ৰাম জন্মভূমি অযোধ্যাত নিৰ্মাণ সম্পূৰ্ণ হৈছে ৰামায়ণৰ ওপৰত বিশ্বৰ প্ৰথমটো মমৰ সংগ্ৰহালয়। 

উত্তৰ প্ৰদেশৰ অযোধ্যাৰ ৰাম জন্মভূমিৰ চৌহদত ৰাম মন্দিৰ নিৰ্মাণৰ পিছত এতিয়া এই পবিত্ৰ স্থানটোৱে আন এক ঐতিহাসিক মাইলৰ খুঁটি লাভ কৰিবলৈ সাজু হৈছে। চৌৰাচী কোচি পৰিক্ৰমা মাৰ্গত অৱস্থিত কাশীৰাম কলনীৰ সন্মুখত ৯,৮৫০ বৰ্গফুট এলেকাত ৬ কোটি টকা ব্যয়ৰে নিৰ্মাণ কৰা হৈছে বিস্তৃত সংগ্ৰহালয়টো ।

চৰকাৰী বিবৃতি অনুসৰি নৱম দীপাৱলী উদযাপনৰ সময়ত ইয়াৰ উদ্বোধনী হোৱাৰ সম্ভাৱনা আছে। ৯,৮৫০ বৰ্গফুট এলেকাত বিস্তৃত এই সম্পূৰ্ণ শীততাপ নিয়ন্ত্ৰিত সংগ্ৰহালয়টোৰ ব্যয় আছিল ৬ কোটি (প্ৰায় ১.৬ বিলিয়ন ডলাৰ)। শ্ৰীৰামকে ধৰি ৫০টা মূল চৰিত্ৰৰ জীৱন্ত মমৰ মূৰ্তি ইয়াত প্ৰদৰ্শিত হ’ব, যাৰ ফলত ৰামায়ণৰ সমগ্ৰ কাহিনীক প্ৰাণৱন্ত কৰি তোলা হ’ব।

প্ৰৱেশৰ লগে লগে দৰ্শনাৰ্থীসকলে ত্ৰেতা যুগৰ সুগন্ধি আৰু ৰাম যুগৰ সুৰীয়া শব্দৰে ভৰি পৰিব। অবিৰতভাৱে "ৰাম তাৰক মন্ত্ৰ" আৰু ভক্তিমূলক গীতৰ সুৰেৰে মুখৰিত হৈ থাকিব পৰিৱেশ। দক্ষিণ ভাৰতীয় স্থাপত্য শৈলীত নিৰ্মাণ কৰা এই সংগ্ৰহালয়টোৱে দক্ষিণ ভাৰতীয় পৰম্পৰাগত স্থাপত্যৰ এক সুন্দৰ মিশ্ৰণক প্ৰতিনিধিত্ব কৰে।

এই দুমহলীয়া ভৱনটোৰ তলৰ মহলাত ভগৱান ৰামৰ শৈশৱৰ পৰা সীতাৰ স্বয়ংভাৰলৈকে হোৱা পৰিঘটনাসমূহ চিত্ৰিত কৰা হৈছে, আনহাতে প্ৰথম মহলাত নিৰ্বাসন, লংকা দহন, ৰাম আৰু ৰাৱণৰ যুদ্ধ প্ৰদৰ্শিত হৈছে। প্ৰতিটো মমৰ মডেলত অনন্য পোহৰ আছে, যিয়ে চৰিত্ৰবোৰক জীৱন্ত কৰি তুলিছে। প্ৰৱেশদ্বাৰৰ পৰা প্ৰথমে ভগৱান গণেশৰ আটক ধুনীয়া প্ৰতিমূৰ্তিৰ আভাস পোৱা যাব। ইয়াৰ পিছতে ৰামৰ শৈশৱৰ প্ৰতিমূৰ্তিৰ সৈতে চেলফি লোৱাৰ বিশেষ ব্যৱস্থা।

মধ্যপ্ৰদেশ চৰকাৰে ভগৱান ৰাম আৰু কৃষ্ণৰ সৈতে জড়িত স্থানসমূহ তীৰ্থস্থান হিচাপে গঢ়ি তুলিব

ইফালে মধ্যপ্ৰদেশৰ মুখ্যমন্ত্ৰী মোহন যাদৱে বুধবাৰে ঘোষণা কৰে যে ৰাজ্য চৰকাৰে শ্ৰীৰাম আৰু ভগৱান কৃষ্ণৰ সৈতে জড়িত স্থানসমূহ তীৰ্থস্থান হিচাপে গঢ়ি তুলিব। তেওঁ উল্লেখ কৰে যে ইয়াৰ বাবে ইতিমধ্যে ধন আবণ্টন দিয়া হৈছে। মুখ্যমন্ত্ৰী যাদৱে উল্লেখ কৰে যে চিত্ৰকূট আৰু অৰ্ছাত প্ৰায় ২,২০০ কোটি টকা ব্যয় সাপেক্ষে নিৰ্মাণৰ কাম চলি আছে।

মুখ্যমন্ত্ৰীয়ে উল্লেখ কৰে যে এতিয়ালৈকে ৰাজ্যখনৰ ১১খন জিলাৰ ২৫টা স্থানক "ৰাম বন গমন পথ"ৰ সৈতে সংযুক্ত কৰা হৈছে। এইবোৰ স্থানত ভগৱান ৰামে নিৰ্বাসনৰ সময়ত ভ্ৰমণ কৰিছিল। সতনাৰ চিত্ৰকূটকে ধৰি কেইবাটাও স্থান ইতিমধ্যে শ্ৰীৰামৰ উপস্থিতিৰ বাবে পৰিচিত।

মুখ্যমন্ত্ৰী যাদৱে কয়, "শ্ৰী ৰাম বন গমন পথ আৰু ভগৱান কৃষ্ণৰ সৈতে জড়িত স্থানসমূহ তীৰ্থস্থান হিচাপে উন্নয়ন কৰা হ'ব। চৰকাৰে এই ধনৰ অনুমোদন জনাইছে।"