যুৱ প্ৰাপ্তবয়স্ক সকলৰ মাজত কিয় বৃদ্ধি পাইছে হাৰ্ট এটেকৰ ঘটনা ?

ডিজিটেল ডেস্ক : হৃদৰোগত আক্ৰান্ত হৈ বিশ্বজুৰি প্ৰায় ১৭.৭ মিলিয়ন লোকৰ মৃত্যু হৈছে । বিশ্ব স্বাস্থ্য সংস্থাৰ মতে, এই মৃত্যুৰ এক-পঞ্চমাংশ লোক কেৱল ভাৰতৰ, বিশেষকৈ যুৱক-যুৱতী ।

গ্ল'বেল বার্ডেন অব ডিজিজৰ প্ৰতিবেদন অনুসৰি, ভাৰতৰ সকলো ৰোগৰ প্ৰায় এক-চতুর্থাংশ হৃদযন্ত্ৰৰ পৰিস্থিতিৰ পৰা উদ্ভৱ হয় । প্রাথমিকভাৱে "৪ এইচ"-হার্ট এটেক, হাইপাৰটেচন, হার্ট ফেইলাৰ আৰু হাৰ্টৰ পেশী ৰোগ । উচ্চ ৰক্তচাপৰ ফলত নীৰৱে ৰক্তবাহী নলীৰ ক্ষতি হয়, যাৰ ফলত হৃদৰোগ আৰু হৃদপিণ্ড বিকল হোৱাৰ সম্ভাৱনা বৃদ্ধি পায় । ৰক্ত প্ৰৱাহ বন্ধ হোৱাৰ ফলত হোৱা হৃদৰোগত হৃদপিণ্ডৰ পেশী দুৰ্বল হ'ব পাৰে, যাৰ ফলত হৃদযন্ত্র বিকল হ'ব পাৰে । সময়ৰ লগে লগে, এই সমস্যাবোৰৰ ফলত কার্ডিঅ'মাইঅ'পেথী হ'ব পাৰে, য'ত হৃদযন্ত্র বন্ধ বা জঠৰ হৈ পৰে, যাৰ ফলত ইয়াৰ কাৰ্য-কলাপত অধিক প্রভাৱিত হয় ।"

যুৱ প্ৰাপ্তবয়স্ক সকলৰ মাজত কিয় বৃদ্ধি পাইছে হাৰ্ট এটেকৰ ঘটনা ?

মেদাণ্টা কার্ডিয়াক কেয়াৰৰ ক্লিনিকেল এণ্ড প্রিভেন্টিভ কার্ডিঅ'লজি বিভাগৰ অধ্যক্ষ ডাঃ আৰ আৰ কাছলিৱালে কয় যে, 'ভাৰতত যুৱ প্রাপ্তবয়স্কসকলৰ মাজত হার্ট এটেক বৃদ্ধি হোৱা দেখা গৈছে। এতিয়া ৪৫-৫০ বছৰ বয়সৰ তলৰ লোক হৃদৰোগত আক্ৰান্ত হৈছে। হৃদৰোগত আক্ৰান্ত হোৱাৰ মুখ্য কাৰণ হৈছে ডায়েবেটিছ আৰু উচ্চ ৰক্তচাপ । তদুপৰি মানসিক চাপ , প্ৰচেচ ফুড গ্ৰহণ , অত্যাধিক নিমখ , অত্যাধিক চেনি গ্ৰহণ , ধূমপান, শৰীৰ চৰ্চা নকৰাৰ ফলত হৃদৰোগ আক্ৰান্তৰ সংখ্যা বৃদ্ধি পাইছে । "

কেনেধৰণৰ ধৰণৰ খাদ্য গ্ৰহণ কৰা উচিত ?

তেওঁ কয় , জনসাধাৰণে হৃদৰোগৰ পৰা হাত সাৰিবলৈ ল ফেট ডাইড কৰিব লাগে । সেউজীয়া শাক পাচলি খোৱাৰ উপৰিও চালাড খাব লাগে । প্ৰচেচ ফুড , অত্যাধিক মিঠা আৰু নিমখ বৰ্জন কৰিব লাগে । শৰীৰ চৰ্চা কৰিব লাগে ।যোগে হওক বা খোজ কঢ়া যিকোনো ধৰণৰ শৰীৰ চৰ্চাৰ ওপৰত গুৰুত্ব দিব লাগে।

হাৰ্ট এটেকৰ পৰা হাত সাৰিবলৈ কি কৰিব লাগে ?

১/ নিয়মীয়াকৈ স্বাস্থ্য পৰীক্ষা

বিশেষকৈ ৩০ বছৰৰ ওপৰৰ হ’লে ৬ মাহত এবাৰ ৰক্তচাপ, কলেষ্টেৰল আৰু শৰ্কৰা পৰীক্ষা কৰক ৷

২/ ধূমপান আৰু সুৰাপান কৰাৰ পৰা আঁতৰি থাকক

এই দুয়োটা হৃদৰোগৰ লগত প্ৰত্যক্ষ সম্পৰ্ক আছে ৷ যিমান সোনকালে ইয়াক এৰি দিব সিমানেই ভাল ৷

৩/ স্বাস্থ্যসন্মত খাদ্যাভ্যাস অনুকৰণ

সেউজীয়া শাক-পাচলি, ফল-মূল, বাদাম, কম নিমখ আৰু কম তেলযুক্ত খাদ্য হৃদযন্ত্ৰৰ বাবে উপকাৰী ৷ জাংক আৰু প্ৰচেছড খাদ্যৰ পৰা আঁতৰি থকাটো গুৰুত্বপূৰ্ণ ৷

৪/ পৰ্যাপ্ত পৰিমাণে নিদ্ৰা গ্ৰহণ

প্ৰতি নিশা কমেও ৭-৮ ঘণ্টা নিদ্ৰা গ্ৰহণ কৰক ৷ ই হৰম’নৰ ভাৰসাম্য ৰক্ষা আৰু মানসিক চাপ নিয়ন্ত্ৰণত সহায় কৰে

৫/ দৈনিক ব্যায়াম কৰক

দ্ৰুতগতিত খোজ কঢ়া, যোগাসন, বা জিম – যিকোনো শাৰীৰিক কাৰ্যকলাপে শৰীৰৰ লগতে হৃদযন্ত্ৰকো শক্তিশালী কৰে ৷

৬/ মানসিক চাপ ব্যৱস্থাপনা শিকিব

ধ্যান, গভীৰ উশাহ-নিশাহ, সংগীত চিকিৎসা বা যিকোনো আপোনাৰ ভাললগা কামে আপোনাক মানসিকভাৱে শান্ত কৰি ৰখাত সহায় কৰিব পাৰে ৷