ডিজিটেল ডেস্ক: নৰ্থ ইষ্ট ইউনাইটেড এফ চিৰ বিদেশী ষ্টাইকাৰ আলাউদ্দিন আজাৰায়ে চলিত একাদশ ইণ্ডিয়ান ছুপাৰ লীগত (আই এছ এল) দলে খেলা প্ৰথম পাঁচখন মেচৰ আটাইকেইখনতে গল কৰি অনন্য গৌৰৱ অৰ্জন কৰাৰ লগতে লীগৰ পূৰ্বৰ অভিলেখ ভংগ কৰাৰ দিশে আগবাঢ়িছে৷
মৰক্কোৰ তাৰকাগৰাকীয়ে যদি পৰবৰ্তী মেচতো গল কৰিবলৈ সক্ষম হয় তেন্তে আই এছ এলত দহ বছৰ পূৰ্বে এলানো ব্লুমাৰে গঢ়া অভিলেখ স্পৰ্শ কৰিব৷
উল্লেখ্য যে আই এছএলৰ উদ্বোধনী বৰ্ষত চেন্নাইয়ান এফ চিৰ ব্ৰাজিলিয়ান ফৰ’ৱাৰ্ড ব্লুমাৰে ক্ৰমাগত প্ৰথম ছখন মেচত গ’ল কৰি অভিলেখ গঢ়িছিল তেওঁ৷ ছয়খন মেচত ব্লুমাৰৰ গ’লৰ সংখ্যা আছিল আঠটা৷
নৰ্থ ইষ্ট ইউনাইটেডত যোগ দি প্ৰথমবাৰৰ বাবে আইএছএল খেলা আলাউদ্দিনে ইয়াৰপূৰ্বে ডুৰাণ্ড কাপৰ ছেমিফাইনেলত লাজং এফ চি আৰু ফাইনেলত মোহন বাগানৰ বিৰুদ্ধেও গল কৰি দল প্ৰথমটো ট্ৰফী জয়ত মুখ্য ভূমিকা লৈছিল৷ সেই পৰিসংখ্যাৰে চালে যোৱা সাতখন মেচতে ক্ৰমাগত গল কৰিছে দুৰন্ত ষ্ট্ৰাইকাৰগৰাকীয়ে৷
