ডিজিটেল ডেস্ক: নিউজিলেণ্ডৰ বিৰুদ্ধে বেংগালুৰু টেষ্টৰ প্ৰথম ইনিংছত ৪৬ ৰান সংগ্ৰহ কৰি ভাৰতীয় দল অল আউট হয়। ইয়াৰ প্ৰতিক্ৰিয়া স্বৰূপে নিউজিলেণ্ডে প্ৰথম ইনিংছত ৪০২ ৰান সংগ্ৰহ কৰে। ভাৰতীয় দলৰ দুৰ্বল প্ৰদৰ্শনৰ পিছত প্ৰতিক্ৰিয়া প্ৰকাশ কৰে প্ৰাক্তন ক্ৰিকেটাৰ সঞ্জয় মঞ্জৰেকাৰে। ৰোহিতৰ অধিনায়কত্বত কি অভাৱ আছে সেই কথা তেওঁ ক’লে। মঞ্জৰেকাৰে ৰোহিতৰ অধিনায়কত্বক মহেন্দ্ৰ সিং ধোনীৰ সৈতে তুলনা কৰিছে। তেওঁ ক’লে যে ৰোহিতৰ ধোনীৰ দৰে একো গুণ নাই।
মাঞ্জৰেকাৰে ভাৰতীয় দলৰ প্ৰদৰ্শন বিবেচনা কৰি এক্সত এটা পোষ্ট শ্বেয়াৰ কৰে। তেওঁ লিখিছে, "ধোনীৰ এক অনন্য গুণ আছে। বহু ক্ষতি হোৱাৰ আগতেই তেওঁ বলিঙৰ ধৰণ সলনি কৰে। ৰোহিতে নিজৰ নেতৃত্বত এই গুণটো আনিব লাগিব।'' ভাৰতীয় দলৰ হৈ প্ৰথম ইনিংছত মাত্ৰ ২ ৰান সংগ্ৰহ কৰি আউট হৈছিল ৰোহিতে। অৱশ্যে দ্বিতীয় ইনিংছত তেওঁ অৰ্ধশতক অৰ্জন কৰে। ৰোহিতে ৬৩টা বলৰ মুখামুখি হৈ ৫২ ৰান সংগ্ৰহ কৰে। ৰোহিতে ৮টা চাৰি আৰু ১টা ছয় কোবায়।
প্ৰথম ইনিংছত ৪৬ ৰান সংগ্ৰহ কৰি অল আউট হৈছিল ভাৰতীয় দল। এই সময়ছোৱাত বিৰাট কোহলী, সৰফৰাজ খান, কে এল ৰাহুল, ৰবীন্দ্ৰ জাদেজা আৰু অশ্বিন শূন্যত আউট হয়। ইয়াৰ প্ৰতিক্ৰিয়া স্বৰূপে নিউজিলেণ্ডে প্ৰথম ইনিংছত ৪০২ ৰান সংগ্ৰহ কৰে। তাৰ বাবে কনৱেই ৯১ ৰানৰ এক উজ্জ্বল ইনিংছ খেলিছিল। শতক অৰ্জন কৰে ৰচিন ৰবিন্দ্ৰই। ১৫৭ বলৰ মুখামুখি হৈ ১৩৪ ৰান সংগ্ৰহ কৰিবলৈ সক্ষম হয় তেওঁ৷ ভাৰতীয় দলৰ হৈ দ্বিতীয় ইনিংছত যশস্বী জয়ছৱালে ৩৫ ৰানৰ বৰঙণি আগবঢ়ায়।
Continue Reading
