ডিজিটেল ডেস্ক: আকৌ জ্বলি উঠিব নেকি নাগালেণ্ড। নগা সশস্ত্ৰ সংগঠন এন এছ চি এনে(আই এম) তেওঁলোকৰ দাবীসমূহৰ বিষয়ে আলোচনা কৰিবলৈ তৃতীয় পক্ষৰ হস্তক্ষেপৰ আহ্বন নগাসকলৰ। নাগালেণ্ডৰ নেশ্যনেল ছ’চিয়েলিষ্ট কাউন্সিল(ইছাক-মুইভা) বা এন এছ চি এন (আই এম)ৰ প্ৰস্তাৱ নাকচ হ’লে তেওঁলোকে পুনৰ সশস্ত্ৰ প্ৰতিৰোধ আৰম্ভ কৰাৰ হুংকাৰ দিছে। এন এছ চি এনে(আই এম) বিশেষকৈ নগাসকলৰ বাবে সুকীয়া পতাকা আৰু সংবিধানৰ দাবী সন্দৰ্ভত আলোচনা কৰিবলৈ তৃতীয় পক্ষৰ হস্তক্ষেপ বিচাৰিছে।
বিদ্ৰোহী সংগঠনটোৱে ১৯৯৭ চনত যুদ্ধবিৰতি চুক্তিত লিপ্ত হৈছিল আৰু ২০১৫ চনৰ ৩ আগষ্টত কেন্দ্ৰ আৰু এন এছ চি এন (আই এম)ৰ মাজত স্বাক্ষৰিত হোৱা ফ্ৰেমৱৰ্ক চুক্তিক প্ৰতাৰণা কৰাৰ অভিযোগ উত্থাপন কৰিছে এন এছ চি এনে।
এক বিবৃতিত সংগঠনটোৰ সাধাৰণ সম্পাদক থুইংগালেং মুইভাই দাবী কৰে যে কেন্দ্ৰই ইচ্ছাকৃতভাৱে ফ্ৰেমৱৰ্ক এগ্ৰিমেন্টৰ মূল বিধানসমূহ য’ত নগাৰ ৰাষ্ট্ৰীয় পতাকা আৰু সংবিধানৰ স্বীকৃতিক সন্মান কৰিবলৈ অস্বীকাৰ কৰিছে। যাৰ বাবে পুনৰ সশস্ত্ৰ সংগ্ৰামৰ হুংকাৰ দিছে কেন্দ্ৰক। লগতে কয় ভৰতে এই ইচ্ছাকৃত বিশ্বাসঘাটকতাৰ বোজা বহন কৰিব লাগিব ।
নাগালিমৰ অনন্য ইতিহাস আৰু সাৰ্বভৌমত্ব তথা এই নীতিসমূহ যিকোনো ৰাজনৈতিক মীমাংসাত আপোচ নহয় বুলি সদৰি কৰে মুইভাই। নাগালেণ্ড, মণিপুৰ, অসম, অৰুণাচল প্ৰদেশ আৰু ম্যানমাৰকে ধৰি ৰাজ্যসমূহৰ যিবিলাক অংশত নগা জনগণে বসবাস কৰি আছে সেই অঞ্চলসমূহ সুৰক্ষিত কৰাৰ বাবে প্ৰতিশ্ৰুতিবদ্ধ বুলি সদৰি কৰে এন এছ চি এনৰ সম্পাদক গৰাকীয়ে।
নাগাসকলৰ এই ৰাজনৈতিক বিষয়সমূহৰ প্ৰধানত নাগাসকলৰ সুকীয়া পতাকা আৰু সংবিধানক আনুষ্ঠানিকভাৱে স্বীকাৰ কৰিবলৈ অস্বীকাৰ কৰি কেন্দ্ৰই চুক্তিখনক সম্পূৰ্ণৰূপে প্ৰতাৰণা কৰিছে বুলি দাবী কৰৰা লগতে কয় এই প্ৰতিশ্ৰুতিসমূহক সন্মান নকৰাৰ বাবে শান্তি প্ৰক্ৰিয়া ব্যাহত হ’ব পাৰে বুলিও কেন্দ্ৰক সকীয়াই দিছে সংগঠনটোৱে। সেয়ে সংগঠনটোৱে ৰাজনৈতিক সমস্যা সমাধানৰ বাবে তৃতীয় পক্ষৰ হস্তক্ষেপ বিচাৰিছে।
Continue Reading
