ডিজিটেল ডেস্কঃ উত্তৰ প্ৰদেশৰ নয়দাৰ পৰা পোহৰলৈ আহিছে এক কৰুণ ঘটনা। খেলি থাকোঁতে বেলকনিৰ পৰা পৰিল এটি তিনি বছৰীয়া শিশু। সেই স্থানত উপস্থিত স্থানীয় ৰাইজে তেওঁক তুলি লৈ চিকিৎসালয়লৈ লৈ যায়। কোৱা হৈছে যে শিশুটিৰ অৱস্থা সংকটজনক হৈয়ে আছে। এই ঘটনা সংঘটিত হৈছে নয়ডাৰ ১২২ নং ছেক্টৰত অৱস্থিত ছানশ্বাইন এপাৰ্টমেণ্টত।
চিচিটিভিৰ ফুটেজত দেখা গৈছে যে শিশুটিয়ে ফ্লেটৰ বেলকনিত খেলি আছে। খেলি থাকোঁতে তেওঁ বেলকনিৰ ৰেলিংত উঠিবলৈ আৰম্ভ কৰে। এই সময়ত তেওঁ ভাৰসাম্য হেৰুৱাই প্ৰথম মহলাৰ পৰা তললৈ পৰি যায়। চিকিৎসকৰ মতে, শিশুটি গুৰুতৰভাৱে আঘাতপ্ৰাপ্ত হৈছে।
আপোনালোকক কওঁ, নয়ডা আৰু গ্ৰেটাৰ নয়ডাত শিশু বেলকনিৰ পৰা পৰি যোৱা এয়া তৃতীয়টো কাণ্ড। ইয়াৰ পূৰ্বে ৪ অক্টোবৰত গ্ৰেটাৰ নয়ডা পশ্চিমৰ গৌৰ চিটি ১৪ এভিনিউৰ ২৪ নং মহলাৰ বেলকনিৰ পৰা ১২ নং মহলালৈ পৰি গৈছিল এগৰাকী ছোৱালী। ইয়াৰ পিছত ১৯ অক্টোবৰত ১০৭ নং ছেক্টৰৰ লোটাছ ৩০০ ছ’চাইটিৰ ১৩ নং মহলাৰ পৰা পৰি এজন ১০ বছৰীয়া শিশুৰ মৃত্যু হয়।
এই ঘটনাই পুনৰবাৰ বেলকনি আৰু ৰেলিঙৰ সুৰক্ষাৰ ওপৰত প্ৰশ্ন উত্থাপন কৰিছে। বিশেষজ্ঞসকলৰ মতে এনে ঘটনাৰ পৰা হাত সাৰিবলৈ হ’লে সমাজত ৰেলিঙৰ উচ্চতা আৰু শিশুৰ নিৰীক্ষণৰ প্ৰতি বিশেষ গুৰুত্ব দিয়া উচিত। লগতে অভিভাৱকসকলকো সন্তানৰ সৈতে খেলা-ধূলা কৰাৰ সময়ত সাৱধান হ’বলৈ পৰামৰ্শ দিয়া হৈছে।
Continue Reading
