ডিজিটেল ডেস্ক: পুনৰ এক কৃষক বিদ্ৰোহে জোকাৰিছে দেশৰ ৰাজধানী চহৰ৷ আজি ২ ডিচেম্বৰ সোমবাৰে কৃষকসকলে দীৰ্ঘদিনে উত্থাপন কৰি অহা দাবীসমূহ পূৰণ নকৰা বাবে প্ৰতিবাদী কৃষকসকলে আজি দিল্লীৰ সংসদ ভৱন ঘেৰাও কাৰ্যসূচী গ্ৰহণ কৰিছে। নয়দাৰ মহামায়া উৰণীয়া সেতুৰ পৰা হাজাৰ হাজাৰ কৃষকে এই আন্দোনল কাৰ্যসূচীত অংশগ্ৰহণৰ উদ্দেশ্যে দিল্লীলৈ যাত্ৰা কৰিছে।
(প্ৰতিবাদী কৃষকসকল, ফটো উৎস:পিটিআই)
কৃষকসকলে সংযুক্ত কৃষক মৰ্চাৰ বেনাৰত তেওঁলোকৰ দাবী সন্দৰ্ভত এই আন্দোলন তীব্ৰতৰ কৰি তুলিছে। প্ৰধানত কৃষকৰ ক্ষতিপূৰণ, ভূমি অধিগ্ৰহণ আইনৰ ৰূপায়ণ আৰু নতুন আইনী সুবিধা গ্ৰহণৰ ফলত স্থানচ্যুত কৃষকসকলৰ বাবে ১০% উন্নত ভূমি আবণ্টনৰ দাবী আৰু বিগত ১০ বছৰ ধৰি চক্ৰৰ হাৰ বৃদ্ধি নোহোৱাৰ প্ৰতিবাদত কৃষকসকলে এই কাৰ্যসূচী গ্ৰহণ কৰিছে। লগতে কৃষক কল্যাণৰ বাবে এখন ৰাজ্যিক সমিতি গঠনৰ আহ্বান জনাইছে৷
এই আন্দোলনৰ নেতৃত্ব দিয়া সংযুক্ত কৃষক মৰ্চাৰ নেতৃবৃন্দই চৰকাৰ তথা প্ৰশাসনৰ বিৰুদ্ধে ক্ষোভ প্ৰকাশ কৰি কৃষকসকলৰ সমস্যাক আওকাণ কৰি আহিছে বুলি অভিযোগ কৰে। এই আন্দোলনত যোগ দিয়াৰ উদ্দেশ্যে পঞ্জাৱ আৰু হাৰিয়ানাৰ কৃষকসকলেও দিল্লী অভিমুখে পদযাত্ৰা কৰাৰ পৰিকল্পনা কৰিছে।
ইয়াৰ সমান্তৰালকৈ কেৰালা, উত্তৰাখণ্ড আৰু তামিলনাডুৰ কৃষকসকলেও নিজ নিজ ৰাজ্যৰ বিধানসভাৰ দিশে পদযাত্ৰা কৰিব বুলি ঘোষণা কৰিছে। সংযুক্ত কিষাণ মৰ্চা (অৰাজনৈতিক) আৰু কিষাণ মজদুৰ মৰ্চাৰ নেতৃত্বত পঞ্জাৱৰ কৃষকৰ এটা দলো ৬ ডিচেম্বৰত দিল্লী অভিমুখে পদযাত্ৰাৰ আহ্বান জনাইছে৷
Continue Reading
