ডিজিটেল ডেস্কঃ ভাৰতত বসবাস কৰিবলৈ মানুহৰ হাতত বহু নথি-পত্ৰৰ প্ৰয়োজন । এই নথিসমূহৰ ভিতৰত পেন কাৰ্ডো এক অতি গুৰুত্বপূৰ্ণ নথি। বেংকিং সম্পৰ্কীয় সকলো কামৰ বাবে পান কাৰ্ড প্ৰয়োজন। ভাৰতত পান কাৰ্ড বনোৱাৰ ক্ষেত্ৰত কোনো ধৰণৰ বাধা নাই। যিকোনো ব্যক্তিয়ে পেন কাৰ্ডৰ বাবে আবেদন কৰিব পাৰে। কিন্তু এজন নাগৰিকে এবাৰহে পান কাৰ্ড বনাব পাৰিব। দুখন পান কাৰ্ড থকাটো অবৈধ ৷
শেহতীয়াকৈ ভাৰতত পেন কাৰ্ডৰ নিয়ম সালসলনি কৰা হৈছে। চৰকাৰে আৰম্ভ কৰিছে পেন ২.০ প্ৰকল্প। যাৰ অধীনত এতিয়া ৰাইজক হাইটেক পেন কাৰ্ড প্ৰদান কৰা হ’ব। কিন্তু এই পান কাৰ্ডখন সকলোৰে বাবে প্ৰযোজ্য নে?
যদি কোনোবাই পান ২.০ ৰ অধীনত পান কাৰ্ড বনোৱা নাই তেন্তে তেওঁক জৰিমনা বিহা হ’বনে? এনে প্রশ্ন বহু লোকৰ মনলৈ আহি আছে৷ আৰু যদি আপুনিও এই বিষয়ে চিন্তা কৰিছে, তেন্তে আপোনাৰ ভূল ধাৰণা ৷এই সন্দৰ্ভত চৰকাৰে তথ্য প্ৰদান কৰিছে যে যিসকলৰ ইতিমধ্যে পান কাৰ্ড আছে,তেওঁলোকে পান ২.০ ৰ অধীনত নতুন পান কাৰ্ডৰ বাবে আবেদন কৰিব নালাগে। চৰকাৰে নিজেই সকলো ৰাইজলৈ নতুন পান কাৰ্ড ডেলিভাৰী কৰিব।
যেতিয়ালৈকে নতুন হাই-টেক পেন কাৰ্ড ৰাইজৰ মাজলৈ নপৰে, তেতিয়ালৈকে তেওঁৰ পুৰণি পান কাৰ্ড বৈধ থাকিব। কিন্তু যদি কোনোবাই তেওঁৰ পান কাৰ্ডত থকা যিকোনো তথ্য আপডেট কৰিব বিচাৰে, তেন্তে যেতিয়া তেওঁ আপডেট কৰা পান কাৰ্ড আবেদন কৰিব তেওঁৰ নতুন পান কাৰ্ড কেৱল পান ২.০ ৰ অধীনতহে প্ৰদান কৰা হ'ব।
উল্লেখ্য যে ভাৰতত এটাতকৈ অধিক পান কাৰ্ড ৰাখিব নোৱাৰি। কাৰোবাৰ যদি দুখন পান কাৰ্ড থাকে, তেন্তে তেওঁ নিজৰ পান কাৰ্ড আয়কৰ বিভাগত জমা দিব লাগে। অন্যথা ১০ হাজাৰ টকা পৰ্যন্ত জৰিমনা হ’ব পাৰে।
Continue Reading
