ডিজিটেল ডেস্কঃ এক অতি নিৰ্মম ঘটনা সংঘটিত হৈছে। আনন্দৰ দিনাই আহিল এক মৰ্মান্তিক খবৰ। নিযুক্তিৰ প্ৰথম দিনাই চাকৰিত যোগ দিবলৈ গৈ থাকোতে ভয়ংকৰ পথ দুৰ্ঘটনাত IPSবিষয়াৰ কৰুণ মৃত্যু।
বহু কষ্ট আৰু অধ্যৱসায়ৰ মূৰত সপোনটোৱে পাহি মেলিছিলহে কিন্তু নিষ্ঠুৰ নিয়তিয়ে শেষ কৰি থৈ গল সকলো। চাকৰিত যোগদান কৰিবলৈ গৈ থাকোতে চিৰদিনলৈ গুচি গল IPSবিষয়াগৰাকী
শেহতীয়াকৈ প্ৰশিক্ষণ সমাপ্ত কৰি কৰ্ণাটকৰ IPS বিষয়াগৰাকীয়ে দেওবাৰে হাছান জিলাত প্ৰথমবাৰৰ বাবে দায়িত্ব গ্ৰহণ কৰিবলৈ গৈ থাকোতে পথ দুৰ্ঘটনাত মৃত্যুক সাবটে। ২৬ বছৰীয়া হৰ্ষবৰ্ধন মধ্যপ্ৰদেশৰ বাসিন্দা আৰু কৰ্ণাটক কেডাৰৰ ২০২৩ বেটচৰ IPS বিষয়া আছিল।
হৰ্ষবৰ্ধনে অভিযান্ত্ৰিক ডিগ্ৰী সম্পূৰ্ণ কৰাৰ পাছত ২০২২-২৩ কৰ্ণাটক কেডাৰৰ আই পি এছ বিষয়া আছিল। ইউ পি এছ চি পৰীক্ষাত ১৫৩ নং ৰেংক লাভ কৰি প্ৰথম প্ৰয়াসতে তেওঁ অসামৰিক সেৱাৰ পৰীক্ষাত উত্তীৰ্ণ হৈছিল।
আৰক্ষীয়ে জনোৱা মতে, হৰ্ষবৰ্ধনে হোলেনাৰসীপুৰত সহকাৰী আৰক্ষী অধীক্ষক হিচাপে কৰ্তব্যৰত ৰিপ’ৰ্ট দিবলৈ হাছানলৈ গৈ আছিল।
আৰক্ষীয়ে জনোৱা অনুসৰি বিষয়াগৰাকী গৈ থকা বাহনখনৰ টায়াৰ ফাটি যোৱাত নিয়ন্ত্ৰণ হেৰুৱাই বাহনখনে। আৰু বাহনখনে পথৰ দাঁতিত থকা এটা ঘৰ আৰু গছত খুন্দা মাৰে। এই ঘটনাত IPS বিষয়া হৰ্ষবৰ্ধনে মূৰত গুৰুতৰভাৱে আঘাত পায়। চিকিৎসাধীন অৱস্থাত চিকিৎসালয়ত মৃত্যুবৰণ কৰে হৰ্ষবৰ্ধনে। এই ঘটনাত চালকজন সামান্য আঘাতপ্ৰাপ্ত হয়। গাড়ীখনৰ অৱস্থা চূৰ্ণ-বিচূৰ্ণ হৈ পৰে।
এই ঘটনাত কৰ্ণাটকৰ মুখ্যমন্ত্ৰী সিদ্দাৰমাইয়াই গভীৰ শোক প্ৰকাশ কৰিছে।
Continue Reading
