সনাতন ধৰ্মত বাস্তুশাস্ত্ৰৰ গুৰুত্ব অতি বিশেষ বুলি গণ্য কৰা হয়। সাধাৰণতে কোনো ব্যক্তিৰ ঘৰত বাস্তুৰ দোষ থাকে, তেন্তে ব্যক্তিজনে যথেষ্ট পৰিমাণে ধন উপাৰ্জন কৰিও ঋণগ্ৰস্ত হৈয়েই থাকে। এনে পৰিস্থিতিত যদি বাস্তুৰ প্ৰতিকাৰ গ্ৰহণ কৰা হয়, তেন্তে ইয়াৰ পৰা কিছু পৰ

Listen to Article

2 min read

80%

ডিজিটেল ডেস্ক : সনাতন ধৰ্মত বাস্তুশাস্ত্ৰৰ গুৰুত্ব অতি বিশেষ বুলি গণ্য কৰা হয়। সাধাৰণতে কোনো ব্যক্তিৰ ঘৰত বাস্তুৰ দোষ থাকে, তেন্তে ব্যক্তিজনে যথেষ্ট পৰিমাণে ধন উপাৰ্জন কৰিও ঋণগ্ৰস্ত হৈয়েই থাকে। এনে পৰিস্থিতিত যদি বাস্তুৰ প্ৰতিকাৰ গ্ৰহণ কৰা হয়, তেন্তে ইয়াৰ পৰা কিছু পৰিমাণে হ'লেও সকাহ পোৱা যায়। গতিকে বাস্তুৰ প্ৰতিকাৰ গ্ৰহণ কৰি ঋণৰ পৰা মুক্তি পোৱাৰ উপায়বোৰ জানো আহক।

ঘৰৰ কোন দিশত ধন ৰাখিব?

বাস্তুৰ নিয়ম মতে যদি আপুনি অধিক পৰিমাণে ঋণগ্ৰস্ত হয়, তেন্তে উত্তৰ দিশটো পৰিষ্কাৰ কৰি ৰাখক কাৰণ এনে কৰিলে ঘৰত ধনাত্মক শক্তি প্ৰবাহিত হয় আৰু মালক্ষ্মীৰ আগমন হয়। কাৰণ উত্তৰ দিশটো মালক্ষ্মী আৰু কুবেৰৰ দিশ বুলি কোৱা হয়।

ঋণ ঘূৰাই দিয়াৰ উত্তম দিন : যদি আপুনি কাৰোবাৰ পৰা ঋণ লৈছে, তেন্তে সেই ঋণ পাৰিলে মঙলবাৰে ঘূৰাই দিয়ক। কাৰণ ঋণ পৰিশোধৰ বাবে মঙলবাৰৰ দিনটোক সৰ্বোত্তম দিন বুলি গণ্য কৰা হয়। সেয়েহে যদি আপুনি মঙলবাৰে ঋণ পৰিশোধ কৰে, তেন্তে অতি সোনকালে আপোনাৰ বাকী সকলো ঋণ পৰিশোধ হৈ আপোনাৰ ঘৰত ধনৰ প্ৰবাহ অব্যাহত থাকিব।

আঁহত গছত পূজা কৰক : ঋণমুক্ত হ'বলৈ পাৰিলে শনিবাৰে আঁহত গছক পূজা কৰক। শনিবাৰৰ পুৱা গা ধুই আঁহত গছত চাকি জ্বলাই প্ৰাৰ্থনা কৰিব যাতে এই সমস্যাৰ পৰা অতি সোনকালে সকাহ পায়।