ডিজিটেল ডেস্কঃ এক ভয়ংকৰ পথ দুৰ্ঘটনাত ৫ জনকৈ MBBS ছাত্ৰৰ কৰুণ মৃত্যু হয়। ছাত্ৰকেইজনে এখন চাৰিচকীয়া বাহনেৰে যাত্ৰা কৰি থকাৰ সময়তে এই ভয়ংকৰ দুৰ্ঘটনাটি সংঘটিত হয়। এখন বাছৰ সৈতে মুখামুখি সংঘৰ্ষ হয় বাহনখনৰ।
কেৰালাৰ আলাপ্পুঝাত সংঘটিত হৈছে এই কৰুণ ঘটনা। এই দুৰ্ঘটনাত গাড়ীখন বেয়াকৈ ক্ষতিগ্ৰস্ত হয়। গাড়ীখনৰ পৰা ছাত্ৰকেইজনৰ মৃতদেহ উলিয়াই আনিবলৈ গাড়ীখন কাটিবলগীয়া হৈছিল।
তথ্য অনুসৰি সোমবাৰে নিশা প্ৰায় ১০ বজাত সংঘটিত হয় এই দুৰ্ঘটনা। এই দুৰ্ঘটনা সংঘটিত হোৱাৰ সময়ত এঘণ্টা ধৰি প্ৰচণ্ড বৰষুণ দি আছিল। দুৰ্ঘটনাটোত বাহনখনত থকা ৫জন ছাত্ৰৰ মৃত্যু হোৱাৰ বিপৰীতে বাছখনৰ একাংশ যাত্ৰী সামান্য আঘাতপ্ৰাপ্ত হৈ চিকিৎসাধীন হৈ আছে।
আৰক্ষীয়ে নিহত ছাত্ৰকেইজন দেৱনন্দন, মহম্মদ ইব্ৰাহিম, আয়ুষ শ্বাজী, শ্ৰীদীপ ভালছান আৰু মহম্মদ জব্বাৰ বুলি চিনাক্ত কৰিছে। ইয়াৰে দেৱনন্দন আৰু মহম্মদ ইব্ৰাহিম লক্ষদ্বীপৰ বাসিন্দা, আয়ুষ, শ্ৰীদীপ আৰু জব্বৰ কেৰেলাৰ বাসিন্দা আছিল। দুৰ্ঘটনাটোৰ বিষয়ে তেওঁলোকৰ পৰিয়ালক অৱগত কৰি মৃতদেহকেইটা মৰণোত্তৰ পৰীক্ষাৰ বাবে প্ৰেৰণ কৰা হৈছে।
Continue Reading
