ডিজিটেল ডেস্ক: বৰ্ডাৰ গাভাস্কাৰ ট্ৰফীৰ বাবে অষ্ট্ৰেলিয়াত অনুশীলন আৰম্ভ কৰিছে বিৰাট কোহলীয়ে। অহা ২২ নৱেম্বৰৰ পৰা ভাৰত আৰু অষ্ট্ৰেলিয়াৰ মাজত অনুষ্ঠিত হ’ব পাঁচখন খেলৰ টেষ্ট শৃংখলা।
এনে পৰিস্থিতিত পোহৰলৈ আহিছে এক নতুন খবৰ। বিৰাট কোহলীৰ গেৰেজত আহি পাইছে কোটি টকাৰ দুখন নতুন চিকচিকিয়া ব্ৰেণ্ডেড গাড়ী। বিৰাট কোহলীয়ে ক্ৰয় কৰিছে লেণ্ড ৰভাৰ ডিফেণ্ডাৰ ১১০ এছইউভি আৰু বিএম ডব্লিউ আইএক্স ১ ইভি গাড়ী।
লেণ্ড ৰভাৰ ডিফেণ্ডাৰ ১১০ এছইউভিৰ বৈশিষ্ট্য আৰু মূল্য
বিৰাট কোহলীৰ প্ৰথমখন নতুন গাড়ী হৈছে লেণ্ড ৰভাৰ ডিফেণ্ডাৰ ১১০ এছ ইউ ভি, যিখন ৫ টা সংস্কৰণত উপলব্ধ। বিলাসীতাৰ লগতে অফ-ৰোডিং অভিজ্ঞতা বিচৰাসকলৰ বাবে এই এছইউভিখন অতি উত্তম। লেণ্ড ৰভাৰ ডিফেণ্ডাৰত ১২.৩ ইঞ্চিৰ ডিজিটেল ইনষ্ট্ৰুমেণ্ট ক্লাষ্টাৰ, অটোমেটিক ক্লাইমেট কণ্ট্ৰ’ল, বেতাঁৰ ফোন চাৰ্জাৰ, প্ৰিমিয়াম স্পীকাৰ চিষ্টেম আৰু ৩৬০ ডিগ্ৰী কেমেৰাৰ দৰে বহু বৈশিষ্ট্য আছে। ইয়াৰ উপৰিও ইয়াত ইলেক্ট্ৰনিক এয়াৰ ছাচপেনচন আৰু ছটা এয়াৰবেগৰ দৰে সুৰক্ষা বৈশিষ্ট্যও আছে। এই গাড়ীৰ মূল্য ১.০৪ কোটিৰ পৰা ১.৫৭ কোটি টকা আৰু পেট্ৰ’ল আৰু ডিজেল দুয়োটা সংস্কৰণতে উপলব্ধ।
বিএম ডব্লিউ আইএক্স ১ ইভিৰ বৈশিষ্ট্য আৰু মূল্য
শেহতীয়াকৈ বিৰাট কোহলী আৰু তেওঁৰ পত্নী অনুষ্কা শৰ্মাক নতুন গাড়ী বিএম ডব্লিউ আইএক্স ১ ইভিত দেখা যায়। বিএম ডব্লিউ আইএক্স ১ হৈছে এখন ইলেক্ট্ৰিক SUV যি ৬৬.৪ কিলোৱাট ঘণ্টাৰ বেটাৰীৰে চলে আৰু ৩১৩ হৰ্চপাৱাৰ উৎপাদন কৰে। এই বৈদ্যুতিক এছ ইউ ভিখনে ঘণ্টাত ০-১০০ কিলোমিটাৰৰ পৰা মাত্ৰ ৫.৬ ছেকেণ্ডত গতি কৰিব পাৰে আৰু ইয়াৰ ড্ৰাইভিং ৰেঞ্জ ৪৪০ কিলোমিটাৰ পৰ্যন্ত। বিএম ডব্লিউ আইএক্স ১ ৰ মূল্য ৬৬.৯০ লাখ টকা (এক্স শ্ব’ৰুম)। এই গাড়ীখনত আছে টু জ’ন ক্লাইমেট কণ্ট্ৰ’ল, হাৰমান কাৰ্ডন চাউণ্ড চিষ্টেম আৰু পেনোৰামিক ছানৰুফৰ দৰে বিলাসী বৈশিষ্ট্য।
Continue Reading
