ডিজিটেল ডেস্কঃ পেৰিছ এআই সন্মিলনত ভাগ ল’বলৈ ফ্ৰান্সত উপস্থিত হৈছে ভাৰতৰ প্ৰধানমন্ত্ৰী নৰেন্দ্ৰ মোদী ৷ এই সন্মিলন ভাৰতৰ বাবে অতিকৈ গুৰুত্বপূৰ্ণ হিচাপে বিবেচিত হৈছে কূটনৈতিক মহলত ৷
বিশ্বৰ ৯০ ৰাষ্ট্ৰই অংশগ্ৰহণ কৰা এই পেৰিছ এআই সন্মিলনৰ উপাধ্যক্ষ হ’ব প্ৰধানমন্ত্ৰী মোদী ৷ এই সন্মিলনত এআইক লৈ প্ৰস্তুত কৰা হ’ব কিছু নীতি-নিৰ্দেশনা, এআইৰ বিকাশ আৰু প্ৰত্যাহ্বান সন্দৰ্ভতো আলোচনা কৰা হ’ব পেৰিছত অনুষ্ঠিত এই সন্মিলনত ৷
কিন্তু ভাৰতৰ বাবে পেৰিছ এআই সন্মিলন কিয় গুৰুত্বপূৰ্ণ?
এই সন্মিলনত উপাধ্যক্ষতা কৰিব ভাৰতৰ প্ৰধানমন্ত্ৰী নৰেন্দ্ৰ মোদীয়ে ৷ এআইৰ ক্ষেত্ৰত বিশ্বৰ চতুৰ্থ স্থানত ভাৰত ৷ কৃত্ৰিম বুদ্ধিমত্তাৰ জৰিয়তে মানৱ সমাজৰ বিকাশ সাধন কৰাই হৈছে ভাৰতৰ মূলমন্ত্ৰ ৷ এআইৰ অপব্যৱহাৰ প্ৰতিৰোধ কৰাটো অগ্ৰাধিকাৰ দিব ভাৰতে ৷
ফ্ৰান্স ভ্ৰমণ সামৰি প্ৰধানমন্ত্ৰী নৰেন্দ্ৰ মোদী উপস্থিত হ’ব আমেৰিকাত ৷ ড'নাল্ড ট্ৰাম্পৰ সৈতে ভাৰত আমেৰিকাৰ সম্পৰ্ক শক্তিশালী কৰাৰ লগতে এআইকলৈ বিভিন্ন চৰ্চা কৰিব প্ৰধানমন্ত্ৰী মোদীয়ে, যাৰ বাবে প্ৰধানমন্ত্ৰী মোদীৰ ফ্ৰান্স আৰু আমেৰিকা ভ্ৰমণ অতিকৈ গুৰুত্বপূৰ্ণ হিচাপে বিবেচনা কৰা হৈছে ৷
