জুবিনপ্ৰেম! বোকাখাতৰ পৰা দৌৰি দৌৰি আহি জুবিনক্ষেত্ৰত উপস্থিত এগৰাকী যুৱক, বিচাৰিলে ন্যায়

ডিজিটেল ডেস্কঃ  জুবিন গাৰ্গৰ প্ৰতি অকৃত্ৰিম ভালপোৱাৰ অনন্য নিদৰ্শন দেখুৱালে এগৰাকী যুৱকে। জুবিনবিহীনতাৰ সময়ে সকলোকে বৰ বেয়াকৈ দহিছে, এনে সময়তে ভিন্ন জনে জুবিন গাৰ্গৰ প্ৰতি থকা প্ৰেম প্ৰকাশ কৰিছে ভিন ভিন ধৰণেৰে। 

জুবিন গাৰ্গৰ প্ৰতি অপৰিসীম প্ৰেম থকা এগৰাকী যুৱকে  বোকাখাতৰ কুৰুৱাবাহীৰ পৰা দৌৰি দৌৰি আহি জুবিনক্ষেত্ৰত উপস্থিত হয়।

দ্বীপজ্যোতি দাস নামৰ যুৱকগৰাকীয়ে কালি পুৱা ৮ বজাত আৰম্ভ কৰা যাত্ৰা আজি আবেলি ৩-৩০ মিনিটত জুবিনক্ষেত্ৰত সামৰণি পেলায়।

জুবিন গাৰ্গৰ মৃত্যুৰ ন্যায়ৰ বাবে দ্বীপজ্যোতি দাসে অবিৰতভাৱে এনেদৰে দৌৰা বুলি জানিবলৈ দিয়ে।

আনহাতে জুবিন গাৰ্গৰ স্মৃতিত নাহৰৰ পুলিও‌ ৰোপণ কৰে যুৱকগৰাকীয়ে।