ডিজিটেল ডেস্কঃ ছোৱালীৰ বেশত ৰীল বনোৱা এগৰাকী ছাত্ৰৰ আত্মহত্যা। অংকিত কুমাৰ নামৰ ছাত্ৰজনে পঢ়িছিল দশম শ্ৰেণীত। জানিব পৰা মতে ছাত্ৰগৰাকীয়ে ইনষ্টাগ্ৰাম, ফেচবুক, ইউটিউব আদি ছ’চিয়েল মিডিয়া প্লেটফৰ্মত ছোৱালীৰ ৰূপ ধাৰণ কৰি ৰীল বনাইছিল। আত্মহত্যাৰ পূৰ্বেও ৰীল বনাই ছ’চিয়েল মিডিয়াত শ্বেয়াৰ কৰিছিল অংকিত কুমাৰে।
বিহাৰৰ বেগুছৰাইত ঘটিছে আত্মহত্যাৰ এই চাঞ্চল্যকৰ ঘটনা। অংকিতৰ চৰম সিদ্ধান্তত পৰিয়ালৰ লোকৰ অৱস্থা বেয়া হৈ পৰিছে।
অংকিতৰ আত্মহত্যাৰ পাছত এই বিষয়টোৱে সমগ্ৰ অঞ্চলটোত শিৰোনাম দখল কৰিছে। ছোৱালীৰ ৰূপত ৰীল বনোৱা অংকিত কুমাৰৰ ছ’চিয়েল মিডিয়াত বহু ফ’ল’ৱাৰ আছিল। অংকিতক ইনষ্টাগ্ৰামত ৪ হাজাৰ লোকে আৰু ইউটিউবত ১০ হাজাৰৰো অধিক লোকে ফ’ল’ কৰিছিল। ফেচবুকতো অংকিতৰ সহস্ৰাধিক ফ’ল’ৱাৰ আছে। ৰিলৰ বাবেই অংকিত সমগ্ৰ অঞ্চলটোতে বিখ্যাত হৈ পৰিছিল।
এই গোটেই ঘটনাটো নয়া গাঁও থানা এলেকাৰ দৰিয়াপুৰ গাঁৱৰ। শনিবাৰে গভীৰ সন্ধিয়াও তেওঁ ৰীল বনাই নিজৰ ঘৰলৈ উভতি আহিছিল। ৰীল বনোৱাত ব্যস্ত থকা অংকিতক মাতৃয়ে সেইদিনা গালি-শপনি পাৰিলে। এই কথাত ক্ষুব্ধ হৈ অংকিতে নিজৰ ঘৰত চিপ লৈ আত্মহত্যা কৰে।
অংকিতে মৃত্যুৰ ২ ঘণ্টাৰ পূৰ্বে নিজৰ শেষৰটো ৰীল আপলোড কৰিছিল। স্থানীয় বাসিন্দাৰ মতে, অংকিত গাঁৱৰ এজন আশাব্যঞ্জক ল’ৰা আছিল। পঢ়া-শুনাতো তেওঁ খুব চোকা আছিল। ছ’চিয়েল মিডিয়াতো তেওঁ অতি বিখ্যাত আছিল। আৰক্ষীয়ে অংকিতৰ মৃতদেহ নিজৰ জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰিছে। এই সন্দৰ্ভত আৰক্ষীয়ে তদন্ত অব্যাহত ৰাখিছে।
Continue Reading
