ডিজিটেল ডেস্ক: পুনৰ বহিঃৰাজ্যত সন্ধানহীন অসমৰ যুৱক। এইবাৰ ডিগবৈৰ এজন যুৱক বহিঃৰাজ্যত সন্ধানহীন হৈছে। নিৰুদ্দিষ্ট যুৱকজনৰ নাম বিকাশ গড়। ডিগবৈৰ বালিজান শ্বিলং বস্তিৰ ২৮ বছৰীয়া যুৱক বিকাশ গড় যোৱা ১৯ মে'ৰ পৰা সন্ধানহীন হৈ থকা ঘটনাই অঞ্চলটোত চাঞ্চল্যৰ সৃষ্টি কৰিছে।
কৰ্মসূত্ৰে ওড়িশালৈ যোৱা বিকাশ ওড়িশাৰ কটক ৰে'লৱে জংচনত সন্ধানহীন হৈছে। ১৯ মে'ত ওড়িশাৰ কটক ৰে'লৱে জংচনত পৰিয়ালৰ শেষবাৰৰ বাবে কথা-বতৰা হৈছিল, কিন্তু তাৰপিছৰে পৰা তেওঁৰ কোনো শুংসূত্র পোৱা হোৱা নাই।
প্ৰয়াত দীপক গড় আৰু দুলাৰী গড়ৰ পুত্ৰ বিকাশ হঠাত্ এনেদৰে সন্ধানহীন হৈ পৰাত এতিয়া তেওঁৰ মাতৃসহ সমগ্ৰ পৰিয়ালটো গভীৰ মানসিক চিন্তাত ভাঙি পৰিছে।
পৰিয়ালৰ তৰফৰ পৰা ইতিমধ্যই এই সন্দৰ্ভত ডিগবৈ আৰক্ষী থানাত এক নিৰুদ্দেশ সম্পৰ্কীয় এজাহাৰ দাখিল কৰা হৈছে।
যদি কোনো সদাশয় ব্যক্তিয়ে এই যুৱকজনৰ কিবা সন্ধান পায়, তেন্তে পলম নকৰি পৰিয়ালৰ যোগাযোগ নম্বৰ 7577097310 ত জনাবলৈ ভুক্তভোগী পৰিয়ালটোৱে কাতৰ অনুৰোধ জনাইছে।
Continue Reading
