দুবাৰকৈ বিশ্বকাপ জয়ী অধিনায়কৰ কান্ধত অৰ্পণ গধুৰ দায়িত্ব ; ৱেষ্ট ইণ্ডিজ ক্ৰিকেট ব’ৰ্ডৰ গুৰুত্বপূৰ্ণ সিদ্ধান্ত

ৱেষ্ট ইণ্ডিজ ক্ৰিকেটে প্ৰাক্তন অধিনায়ক ডেৰেন ছেমীক সকলো ফৰ্মেটতে পুৰুষ ক্ৰিকেট দলৰ মুখ্য প্ৰশিক্ষক হিচাপে নিযুক্তি দিয়ে। সঞ্চালক মাইলছ বাস্কোম্বে ছেইণ্ট ভিনচেণ্টত ব’ৰ্ডৰ ত্ৰিমাসিক সংবাদমেলৰ সময়ত এই কথা ঘোষণা কৰে। ২০২৩ চনৰ পৰা সীমিত অভাৰৰ ফৰ্মেটত দলটোৰ মুখ্য প্ৰশিক্ষক হিচাপে পৰিগণিত হৈছে ছেমি। ৱেষ্ট ইণ্ডিজৰ হৈ দুবাৰকৈ টি-২০ বিশ্বকাপ জয় কৰা অধিনায়কগৰাকীয়ে টেষ্ট দলৰ দায়িত্ব লাভ কৰাত সুখ প্ৰকাশ কৰে। এক্সত তেওঁ লিখিছে ৱেষ্ট ইণ্ডিজক যিকোনো ক্ষমতাত প্ৰতিনিধিত্ব কৰাটো এক গৌৰৱৰ বিষয়। টেষ্ট দলটোক সহায় কৰাৰ প্ৰত্যাহ্বানৰ বাবে মই সাজু।