ডিজিটেল ডেস্ক : এনেকুৱা প্ৰায়ভাগ লোকৰ সৈতে হয় যে দুপৰীয়া খাদ্য খোৱাৰ পিচত খুব টোপনি ধৰে। দুপৰীয়া খাদ্য খোৱাৰ পিচত শৰীৰটো লেহেমীয়া হৈ পৰে, মনটোও অজ্ঞান হৈ পৰে আৰু এলাহে আগুৰি ধৰে ৷
বিশেষকৈ অফিচত কাম কৰি থাকোঁতে বা কোনো গুৰুত্বপূৰ্ণ কামত থাকিলে দুপৰীয়াৰ আহাৰ খোৱাৰ পিছত এলেহুৱা অনুভৱ বেছিকৈ হোৱা দেখা যায় ৷
দুপৰীয়া খাদ্য খোৱাৰ পিচত এইসমূহ পানীয়ৰ সহায়ত দূৰ কৰিব পাৰিব আপোনাৰ টোপনিৰ ভাব-
খেজুৰ আৰু আলমণ্ড শ্বেক- যদি আপুনি এনাৰ্জি ড্ৰিংক বিচাৰে তেন্তে খেজুৰ আৰু আলমণ্ডৰ পৰা তৈয়াৰী শ্বেক খাব পাৰে৷ ইয়াত প্ৰচুৰ পৰিমাণে প্ৰাকৃতিক চেনি, স্বাস্থ্যকৰ চৰ্বি আৰু প্ৰটিন থাকে ৷ যিয়ে আপোনাৰ শৰীৰটো সতেজ কৰি তোলাৰ লগতে টোপনিৰ ভাব নোহোৱা কৰিব।
ব্লেক কফি- ব্লেক কফি আমাৰ শৰীৰৰ বাবে উপকাৰী বুলি গণ্য কৰা হয়। কফিত কেফেইন থাকে, যিয়ে আপোনাৰ মগজুক উদ্দীপিত কৰে আৰু টোপনিৰ অনুভৱ কমাই দিয়ে । ই শৰীৰত শক্তি বৃদ্ধি কৰি এলাহ ভাব নোহোৱা কৰিব।
নাৰিকল পানী- নাৰিকল পানী শৰীৰৰ বাবে অতি উপকাৰী। নাৰিকল পানীয়ে শৰীৰক ডিহাইড্ৰেচনৰ পৰা ৰক্ষা কৰে আৰু শক্তি প্ৰদান কৰে ৷ নাৰিকল পানীয়ে পেটটো ঠাণ্ডা কৰি ৰখাত সহায় কৰে। লগতে নাৰিকল পানীত প্ৰাকৃতিক থকা ইলেক্ট্ৰলাইট যিয়ে শৰীৰৰ পৰা ভাগৰ আঁতৰাই শক্তি বৃদ্ধি কৰে ।
নেমুৰ পানী- নেমু ভিটামিন চিৰ সমৃদ্ধ। ভিটামিন চিৰ বাবে নেমুৰ পানীয়ে শৰীৰটো হাইড্ৰেট কৰাৰ লগতে শক্তি বৃদ্ধি কৰে। নিমিষতে টোপনিৰ ভাব আতৰ কৰিবলৈ নেমু ৰসত মৌ বা পদিনা দি ইয়াক অধিক সতেজ কৰি তুলিব পাৰে ৷ এই পানীয়ই শৰীৰক হাইড্ৰেটেড কৰি ৰাখে আৰু আপোনাক সতেজ অনুভৱ কৰায় ।
উৎসঃ দৈনিক জনমভূমি
Continue Reading
