ডিজিটেল ডেস্কঃ ন’বেল বঁটা বিজয়ী জাৰ্মান পদাৰ্থবিজ্ঞানী এলবাৰ্ট আইনষ্টাইনৰ নাম ইতিমধ্যে সকলোৱে শুনিছে। তেওঁৰ আপেক্ষিকতাবাদৰ সূত্ৰ আৰু ভৰ-শক্তি সমতুল্যতাৰ সূত্ৰৰ বিষয় নজানা ব্যক্তি খুব কম লোকে আছে। কিন্তু ইয়াৰ বাহিৰেও, তেওঁৰ জীৱনত বহুতো অজ্ঞাত কাহিনী আছে যিবোৰ 'দ্য ৰিফ্লেক্সন ইট অৰ ন’টৰ এক প্ৰতিবেদনত পোহৰলৈ আহিছে।
নৌকাবিহাৰ ভাল পাইছিলঃ আনকি আটাইতকৈ বৈজ্ঞানিক লোকসকলেও কেতিয়াবা সূত্ৰ, পৰীক্ষা-নিৰীক্ষা আৰু লিখনিৰ পৰা পৰিত্ৰাণ পাব লাগিব, আৰু এই ক্ষেত্ৰত ৰুচিৰ ভূমিকা যথেষ্ট গুৰুত্বপূৰ্ণ। আইনষ্টাইনৰ প্ৰিয় চখ আছিল নৌকা বিহাৰ। এজন দক্ষ নাবিক হ’ব নোৱাৰিলেও গোটেই জীৱনজুৰি ইয়াৰ প্ৰতি তেওঁৰ অফুৰন্ত মোহ আছিল।আইনষ্টাইনৰ নাওঁখনৰ নাম আছিল টিনেফ। টিনেফ শব্দটোৰ অৰ্থ হৈছে যি বস্তুৰ কোনো মূল্য নাই। নাম অনুযায়ী আইনষ্টাইনৰ ক্ষেত্ৰত এই নাওখনে সুবিচাৰ কৰাই দেখা গৈছে। প্ৰায়ে দূৰৱৰ্তী দ্বীপত ওপঙি থাকোঁতে নাওখন উদ্ধাৰ কৰিব লগা হৈছিল।
এফবিআইৰ ৰোষত আইনষ্টাইনঃ তেতিয়াৰ আমেৰিকা যুক্তৰাষ্ট্ৰৰ ৰাষ্ট্ৰপতি জে এডগাৰ হুভাৰৰ প্ৰশাসন আইনষ্টাইনৰ ওপৰত সন্দিহান আছিল। বিভিন্ন সামাজিক সমস্যাৰ প্ৰতি সমৰ্থন জনোৱাৰ বাবে এফবিআইয়ে ১৯৩২ চনৰ ডিচেম্বৰৰ পৰা নিৰীক্ষণত ৰাখিছিল আইনষ্টাইনক। তেওঁলোকে বিশ্বাস কৰিছিল যে, আইনষ্টাইন এজন সমাজতান্ত্ৰিক বা বিদ্ৰোহী ব্যক্তি আছিল আৰু সেইকাৰণে তেওঁ সামাজিক অন্যায়ৰ বিৰুদ্ধে সোচ্চাৰ হৈ পৰিছিল। ফলস্বৰূপে, এফ.বি.আই.-য়ে তেওঁক এজন বিপদজনক ব্যক্তি বুলি গণ্য কৰিছিল আৰু তেওঁৰ নামত দিয়া প্ৰতিবেদনত পৃষ্ঠাৰ সংখ্যা ১,৪০০ অতিক্ৰম কৰিছিল।
ইজৰাইলৰ ৰাষ্ট্ৰপতিৰ প্ৰস্তাৱ নাকচঃ সমগ্ৰ বিশ্বতে সন্মানীয় আৰু গ্ৰহণযোগ্য নাম হিচাপে তুলনাহীন আইনষ্টাইন। ইজৰাইলৰ নাগৰিক নোহোৱা স্বত্বেও তেওঁক দেশখনৰ প্ৰথম নেতা চেইম ৱেইজমানৰ মৃত্যুৰ পাছত আইনষ্টাইনক তেওঁৰ পদত যোগদান কৰিবলৈ আহ্বান জনোৱা হৈছিল। কিন্তু আইনষ্টাইনে বিনম্ৰতাৰে এই অনুৰোধ প্ৰত্যাখ্যান কৰিছিল। কাৰণ হিচাপে, তেওঁ কৈছিল যে- এই পদত অধিষ্ঠিত হোৱাৰ সামৰ্থ্য, ইচ্ছা বা ধৈৰ্য্য তেওঁৰ নাই।
মোজা পিন্ধা নাছিলঃ স্বাভাৱিকতে, আইনষ্টাইন এজন অতি সন্মানীয় আৰু অসামান্য বিজ্ঞানী আছিল। কিন্তু তেওঁৰ এই সৃজনীশীল সত্ত্বাৰ উপৰি কিছুমান উদ্ভট স্বভাৱৰ বাবে আজিও তেওঁ স্মৰণ কৰে বিশ্ববাসীয়ে। আমি তেওঁৰ কেকোৰা চুলিৰ বিষয়ে জানো, কিন্তু কোনেও নাজানে যে আইনষ্টাইনে মোজাক ঘিণ কৰিছিল!
Continue Reading
