ডিজিটেল ডেস্কঃ মঙলবাৰে দিল্লীৰ জামিয়া মিলিয়া ইছলামিয়া বিশ্ববিদ্যালয়ত দীপাৱলী কাৰ্যসূচীৰ সময়ত ব্যাপক হুলস্থুলীয়া পৰিবেশৰ সৃষ্টি হয়। অভিযোগ অনুসৰি অনুষ্ঠানৰ সময়ত একাংশ লোকে ৰংগোলী আৰু চাকি লগত ধেমালী কৰে, তাৰ পিছতে হুলস্থুলৰ আৰম্ভ হয়। কেম্পাছৰ ভিতৰত ৭ নং গেটত সংঘটিত হয় এই ঘটনা। আনহাতে ছাত্ৰ-ছাত্ৰীৰ মাজত সংঘৰ্ষ আৰু দুয়োপক্ষৰ পৰা শ্ল’গান দিয়া হয় । তথ্য অনুসৰি বৰ্তমান বিষয়টো শান্ত।
আচলতে জামিয়া বিশ্ববিদ্যালয়ত প্ৰতি বছৰে দীপাৱলী কাৰ্যসূচী আয়োজন কৰা হয়। অখিল ভাৰতীয় বিদ্যাৰ্থী পৰিষদ (এবিভিপি) আৰু বিশ্ববিদ্যালয়ৰ ছাত্ৰ-ছাত্ৰীয়ে এই কাৰ্যসূচীৰ আয়োজন কৰে।
এই হুলস্থুলৰ সময়ত একাংশ লোকে পেলেষ্টাইন জিন্দাবাদৰ শ্লোগান দিয়াৰো অভিযোগ উত্থাপন হৈছে ৷ একাংশ ছাত্ৰ-ছাত্ৰীৰ মাজতো সংঘৰ্ষৰ খবৰ পোহৰলৈ আহিছে। এই সময়ছোৱাত আৰক্ষীয়ে আন একাংশ ছাত্ৰ-ছাত্ৰীৰ সহযোগত বিষয়টো শান্ত কৰি ৰাইজক ছত্ৰভংগ দিয়ে। কিছু সময়ৰ পাছত বিষয়টো শান্ত হৈ পৰিল। তথ্য অনুসৰি কেম্পাছত বৃহৎ সংখ্যক আৰক্ষী বাহিনী মোতায়েন কৰা হৈছে। ছাত্ৰ-ছাত্ৰীসকলকো শান্তি বজাই ৰাখিবলৈ আহ্বান জনোৱা হৈছে। আৰক্ষীয়ে জনোৱা মতে, বিষয়টোৰ তদন্ত চলি আছে।
উল্লেখ্য যে জামিয়াত এইটো প্ৰথম বিতৰ্কৰ গোচৰ নহয়। চলিত বৰ্ষৰ জানুৱাৰী মাহত জামিয়া বিশ্ববিদ্যালয়ত ‘ষ্ট্ৰাইক ফৰ বাবৰি’ আদি শ্লোগানৰ ভিডিঅ’ও চৰ্চালৈ আহিছিল। ইয়াৰ পিছত বৃহৎ সংখ্যক আৰক্ষী বাহিনী মোতায়েন কৰা হয়।
Continue Reading
