ডিজিটেল ডেস্কঃ জম্মু-কাশ্মীৰৰ পুঞ্চ জিলাৰ নিয়ন্ত্ৰণ ৰেখাৰ সমীপত হোৱা অগ্নিকাণ্ডৰ ফলত দেওবাৰে কমেও তিনিটা লেণ্ডমাইনৰ বিস্ফোৰণ ঘটে।
বিয়লি প্ৰায় ৪ বজাত মেন্ধৰ ছেক্টৰৰ সীমান্ত বেৰৰ সন্মুখত বেহৰুতি বনাঞ্চলত সংঘটিত হোৱা বনজুইৰ ফলত লেণ্ডমাইনৰ বিস্ফোৰণ ঘটে।
বিস্ফোৰণৰ শব্দটো অঞ্চলটোত বহু দূৰলৈকে প্ৰতিধ্বনিত হৈছিল। অৱশ্যে কোনো ধৰণৰ ক্ষতিৰ খবৰ পোৱা নাই।
কোনো লোক হতাহত হোৱাৰ খবৰো এই মুহূৰ্তলৈকে অহা নাই।
লগে লগে জুইৰ শিখা নুমুৱাবলৈ এটা দল সেই স্থানলৈ প্ৰেৰণ কৰা হয়। জুই নিৰ্বাপনৰ সমান্তৰালকৈ বন বিভাগৰ দলটোৱে জুইক আৰু অধিক বিয়পি পৰাত বাধা দিবলৈও চেষ্টা চলাইছে।
সীমান্তৰ সিপাৰৰ পৰা সন্ত্ৰাসবাদীৰ অনুপ্ৰৱেশ ৰোধ কৰিবলৈ নিয়ন্ত্ৰণ ৰেখাৰ আগফালৰ অঞ্চলত এণ্টি ইনফিল্ট্ৰেচন বেৰিয়াৰ চিষ্টেমৰ অধীনত লেণ্ডমাইন স্থাপন কৰা হৈছিল।
বিষয়াসকলে জনোৱা মতে, এতিয়াও জুই জ্বলি আছে আৰু জুই নিৰ্বাপনৰ প্ৰচেষ্টা অব্যাহত আছে।
Continue Reading
