ডিজিটেল ডেস্কঃ বাংলা ছবি উদ্যোগত যেন কালিকা লাগিছে। মাত্ৰ ১২ দিনৰ ভিতৰতে আত্মহত্যা কৰিলে তিনি গৰাকীকৈ অভিনেত্ৰীয়ে। এই খবৰে হতভম্ব কৰিছে সকলোকে। চলিত মাহৰ মাঁথো ১২ দিনৰ ব্যৱধানত তিনি গৰাকীকৈ অভিনেত্ৰীয়ে আত্মহত্যা কৰা ঘটনাই আচৰিত কৰি তুলিছে পশ্চিমবংগৰ বাংলা ছবিজগতত।
পল্লৱী দে
১৫ মে'ত আত্মহত্যা কৰে পল্লৱী দেই, ২৫ মে'ত আত্মহত্যা কৰে বিদিশা দে মজুমদাৰে আৰু আজি খবৰ আহে মঞ্জুশা নিয়োগীৰ আত্মহত্যাৰ খবৰ। তিনিওটা আত্মহত্যাৰ ঘটনাৰ কিবা সামঞ্জস্য আছে নেকি সেই সন্দৰ্ভত তদন্তত ব্যস্ত হৈ পৰিছে আৰক্ষী।
বিদিশা দে মজুমদাৰ
অন্য দুবাৰৰ দৰেই আজিয়ো মঞ্জুশাৰ মৃতদেহ ফেনত ওলমি থকা অৱস্থাত উদ্ধাৰ হয়। আৰক্ষীয়ে মঞ্জুশাৰ কোঠাৰ ভিতৰৰ পৰাই মৃতদেহ উদ্ধাৰ কৰে। বিদিশা দে মজুমদাৰ আৰু পল্লৱী দেৰ মৃত্যুৰ তদন্ত অব্যাহত থকাৰ সময়তে মঞ্জুশা নিয়োগীৰ আত্মহত্যাৰ খবৰে সকলোকে জোকাৰি গৈছে। তিনিও চিপ লৈ আত্মহত্যা কৰিছে।
মঞ্জুশা নিয়োগী
জানিব পৰা অনুসৰি বান্ধৱী বিদিশা দেৰ মৃত্যুৰ পাছৰে পৰা মঞ্জুশা ডিপ্ৰেছনত আছিল। বন্ধুৰ মৃত্যুৰ শোক তেওঁ সহ্য কৰিব পৰা নাছিল। প্ৰাৰম্ভিক তদন্তত এইটোও পোহৰলৈ আহিছে যে মঞ্জুশা নিয়োগী নিজৰ কেৰিয়াৰক লৈ ডিপ্ৰেছনত আছিল। একেটা মাহতে তিনি তিনিগৰাকী অভিনেত্ৰীৰ মৃত্যুৱে আকৌ এবাৰ গ্লেমাৰ উদ্যোগৰ সেই অন্ধকাৰ জগতখনৰ কথা সোঁৱৰাই দিছে।
