‘মই ৰণবীৰৰ দৰে হ’ব পাৰিলে ভাল আছিল!’ স্বামী ৰণবীৰক লৈ কিয় এনেকৈ ক’লে পত্নী আলিয়াই?

এক সাক্ষাৎকাৰত আলিয়াক সোধা হৈছিল যে তেওঁ কেতিয়া সিদ্ধান্ত লৈছিল যে ৰণবীৰ কাপুৰ তেওঁৰ বাবে পাৰফেক্ট হ’ব? আলিয়া ভাটে কৈছিল "যেতিয়া মই তেওঁক মোৰ জীৱনত প্ৰথমবাৰৰ বাবে লগ পাইছিলো"। আলিয়াই কয় যে ‘‘ৰণবীৰ জটিলতাৰে ভৰা নহয়। তেওঁ এজন অতি সহজ-সৰল মানুহ। তেওঁ ইমান ভাল মানুহ যে ময়ো তেওঁৰ দৰেই ভাল হ’ব পৰা হ’লে ভাল আছিল। এজন অভিনেতা হিচাপে, এজন মানুহ হিচাপে তেওঁ সকলো দিশতে মোতকৈ ভাল।" আলিয়াৰ এই কথাৰ পৰাই বুজিব পাৰি যে আলিয়াৰ সমগ্ৰ হৃদয় দখল কৰি হৃদয়ৰ ৰাজকুমাৰ হ’ব পাৰিছে ৰণবীৰ কাপুৰ। 

উল্লেখ্য যে কৰ্মক্ষেত্ৰত বৰ্তমান আলিয়া ভাটে তেওঁৰ প্ৰথমখন হলিউডৰ ছবি ‘হাৰ্ট অৱ ষ্টোন’ৰ শ্বুটিং কৰি আছে, য’ত মুখ্য চৰিত্ৰত অভিনয় কৰিছে গাল গেডোট আৰু জেমী ডৰ্নানে। 

ইয়াৰ বাহিৰেও তেওঁৰ হাতত আছে ‘ডাৰ্লিংছ’, ‘জী লে জাৰা’, ‘ৰকি ঔৰ ৰাণী কি প্ৰেম কাহিনী’ৰ লগতে অয়ন মুখাৰ্জীৰ বহু প্ৰত্যাশিত চিনেমা ‘ব্ৰহ্মাস্ত্ৰ’। এই চিনেমাখনত প্ৰথমবাৰৰ বাবে একেলগে অভিনয় কৰিছে ৰণবীৰ আৰু আলিয়াই। সেয়েহে এই চিনেমাখনৰ বাবে অধীৰ আগ্ৰহেৰে ৰৈ আছে তেওঁলোকৰ অনুৰাগীসকল।

আৰু পঢ়কঃ কালিকা লাগিছে নেকি? ১২ দিনৰ ভিতৰত তিনি বাংলা অভিনেত্ৰীৰ আত্মহত্যা