কিন্নৰ আখাড়াৰ মহামণ্ডলেশ্বৰ পদৰ পৰা পদত্যাগ মমতা কুলকাৰ্ণিৰ

উল্লেখ্যযোগ্য যে, মহাকুম্ভত নিজৰ পিণ্ডদান কৰি তেওঁ জীৱনৰ নতুন অধ্যায় আৰম্ভ কৰিছিল। কিন্তু তেওঁ কিন্নৰ আখাড়াৰ মহামণ্ডলেশ্বৰ হোৱাৰ পাছতে ইয়াকে লৈ ব্যাপক বিতর্ক আৰম্ভ হৈছিল। সেই বিতৰ্কৰ বাবেই তেওঁ এই পদ এৰাৰ কথা ঘোষণা কৰিবলৈ বাধ্য হয়। প্রয়াগৰাজৰ মহাকুম্ভত তেওঁ কিন্নৰ আখাড়াত দীক্ষা লৈছিল আৰু তাৰ পাছতে তেওঁ মহামণ্ডলেশ্বৰ পদত অধিষ্ঠিত কৰা হৈছিল। পিণ্ডদানৰ পাছত স্নান কৰা মমতা কুলকার্ণিৰ পট্টাভিষেক হৈছিল।যাৰ বাবে তেওঁ বহু সমালোচনাৰো সন্মুখীন হৈছিল। অৱশেষত এই সমালোচনা আৰু বিতৰ্কৰ মাজতে মহামণ্ডলেশ্বৰ পদ ত্যাগ কৰে মমতা কুলকার্ণিয়ে। 

(উৎসঃ দৈনিক জনমভূমি)