কৃষি আইন, কঠোৰ স্থিতি গ্ৰহণৰ ইংগিত উচ্চতম ন্যায়ালয়ৰ

নতুন দিল্লী : কেন্দ্ৰীয় চৰকাৰৰ বিতৰ্কিত কৃষি আইনক লৈ উচ্চতম ন্যায়ালয়ে আজি নিজৰ ৰায় প্ৰদান কৰে। সৰ্বোচ্চ ন্যায়ালয়ে এই ৰায়ত কয় যে, কৃষি আইনক লৈ সৃষ্টি হোৱা অচলাৱস্থা আঁতৰ কৰাৰ বাবে এখন কমিটী গঠন কৰা হ’ব।

আৰু পঢ়িব পাৰিব : আঘাত অতি গুৰুতৰ, দুৰ্ঘটনাগ্ৰস্ত শ্ৰীপদ নাইকৰ স্বাস্থ্য এতিয়া সুস্থিৰ

ন্যায়ালয়ে কেন্দ্ৰীয় চৰকাৰকো আইন সন্দৰ্ভত সতৰ্কবাণী প্ৰেৰণ কৰে আৰু কয় যে, তিনওখন বিতৰ্কিত আইন প্ৰত্যাহাৰ কৰাৰ ক্ষমতা সৰ্বোচ্চ ন্যায়ালয়খনৰ আছে। ‘এয়া জীৱন আৰু মৃত্যুৰ সৈতে জড়িত বিষয়। আমি এই আইনক লৈ উদ্বিগ্ন। এই বিদ্ৰোহৰ ফলত প্ৰভাৱিত হোৱা জীৱন আৰু সম্পত্তিক লৈও আমি উদ্বিগ্ন। আমি এই সমস্যা সৰ্বোত্তম উপায়েৰে সমাধান কৰাৰ চেষ্টা কৰিছোঁ। এই আইন প্ৰত্যাহাৰৰ ক্ষমতা আমাৰ হাতত আছে।’ দেশৰ মুখ্য ন্যায়াধীশ এছ এ ব’বডেই এই মন্তব্য কৰে।

আৰু পঢ়িব পাৰিব : শ্ৰীৰাম মন্দিৰ নিধি সমৰ্পণ অভিযান : সামৰি লোৱা হৈছে ৰাজ্যৰ ১৬,৭০৬ গাঁও…

তেওঁ লগতে কয়, ‘আমি এই সমস্যা সমাধান কৰিব বিচাৰিছোঁ আৰু সেইবাবে আমি এখন কমিটী গঠন কৰিবলৈ লৈছোঁ।’