ডিজিটেল ডেস্ক : বিয়েৰ হৈছে পৃথিৱীৰ আটাইতকৈ জনপ্ৰিয় পানীয়বোৰৰ ভিতৰৰ অন্যতম। সুৰাপায়ীসকলৰ মাজত অতি জনপ্ৰিয় বীয়েৰ প্ৰস্তুতৰ বাবে প্ৰয়োজন হয় যথেষ্ট পৰিমাণৰ পানীৰ। সেয়েহে পানীৰ অভাৱৰ সৈতে যুঁজ কৰি থকা ছিংগাপুৰৰ এটা সুৰা প্ৰস্তুতকাৰী কোম্পানীয়ে ‘নিউব্ৰু’ নামৰ এটা বীয়েৰ মুকলি কৰিছে। এই বীয়েৰ নৰ্দমা পানীৰ পৰা প্ৰস্তুত কৰা হৈছে। আশ্বৰ্যকৰভাৱে মানুহৰ প্ৰস্ৰাৱ, মল প্ৰবাহিত হোৱা এই পানীৰে প্ৰস্তুত কৰা বীয়েৰে লাভ কৰিছে প্ৰচুৰ জনপ্ৰিয়তা।
প্ৰকৃততে ‘নিউব্ৰু’ প্ৰায় ৯৫ শতাংশ ‘নিউৱাটাৰে’ৰে প্ৰস্তুত কৰা হয়, যি কেৱল সুৰক্ষিত খোৱা পানীৰ আন্তৰ্জাতিক মানকে অনুসৰণ নকৰে বৰং বীয়েৰ তৈয়াৰ কৰিবলৈ ব্যৱহাৰৰ বাবে সম্পূৰ্ণৰূপে ফিল্টাৰ কৰা হয়। ইয়াৰ লক্ষ্য হৈছে শেহতীয়াকৈ দেশখনত সৃষ্টি হোৱা পানীৰ সমস্যাৰ বিষয়ে সজাগতা সৃষ্টি কৰা। উল্লেখ্য যে, ছিংগাপুৰে এই মুহূৰ্তত পানীৰ অভাৱৰ প্ৰত্যাহ্বানৰ সন্মুখীন হৈছে।
‘দ্য ষ্ট্ৰেটছ টাইমছ’ৰ মতে, ছিংগাপুৰ আন্তঃৰাষ্ট্ৰীয় ৱাটাৰ উইক (এছআইডব্লিউডব্লিউ)ৰ এখন জল সন্মিলনৰ সংযোজনৰ সৈতে, ‘নিউব্ৰু’ বিগত ৮ এপ্ৰিলত ৰাষ্ট্ৰীয় জল সংস্থা পিইউবি আৰু স্থানীয় ক্ৰাফ্ট বিয়েৰ ব্ৰুৱেৰী 'ব্ৰেৱৰ্কজ'ৰ দ্বাৰা মুকলি কৰা হৈছিল। নিউৱাটাৰ মল্টে হপ আৰু ইষ্ট ষ্ট্ৰেইনৰ ফ্লেভাৰ দূষিত নকৰে। এছআইডব্লিউডব্লিউ-ৰ পৰিচালন সঞ্চালক ৰিয়ান উনেনৰ মতে, পানীৰ পুনৰ ব্যৱহাৰ আৰু ৰিচাইকলৰ বাবে সজাগতা বৃদ্ধি কৰাৰ উদ্দেশ্যৰে প্ৰস্তুত কৰা ‘নিউব্ৰু’ হৈছে ছিংগাপুৰৰ 'আটাইতকৈ সেউজ বীয়েৰ'।
ছিংগাপুৰৰ পানীৰ অভাৱৰ বিষয়ে সজাগতা সৃষ্টি কৰাৰ বাবে, দেশখনৰ জল সংস্থাই এই পানীয় আৰম্ভ কৰি পানীৰ সংকটৰ মোকাবিলা কৰাৰ এটা উপায় বিচাৰি উলিয়াইছে। উল্লেখ্য যে এনেদৰে বীয়েৰ প্ৰস্তুত কৰা কাম প্ৰথমবাৰৰ বাবে কৰা হোৱা নাই। ইয়াৰ আগেয়ে ক্ৰাফ্ট বীয়েৰ কোম্পানী 'ষ্টোন ব্ৰিউয়িং'য়ে ২০১৭ চনত 'ষ্টোন ফুল চাৰ্কল পেল এলে' মুকলি কৰিছিল। অন্যান্য ব্ৰুৱেৰী যেনে 'ক্ৰাষ্ট গ্ৰুপ' আৰু ‘ছুপাৰ লোকো গ্ৰুপে'ও নৰ্দমাৰ পানী ৰিচাকলৰ দ্বাৰা পুনৰ্ব্যৱহাৰ কৰি এটা ক্ৰাফ্ট বিয়েৰ মুকলি কৰিছিল।
Continue Reading
