ডিজিটেল ডেস্কঃ মৃত্যুক আকোঁৱালি লৈয়ো বহুতৰ জীৱন ৰক্ষা কৰি যোৱা এজন চালক৷যাৰ মৃত্যুৰ পূৰ্বে কৰি যোৱা কামক এতিয়া সমগ্ৰ দেশে সোঁৱৰণ কৰিছে৷ঘটনা উৰিষ্যাৰ চহৰ ভুৱনেশ্বৰৰ৷ ভুৱনেশ্বৰলৈ যোৱা এখন নৈশ বাছত আছিল ৪৮ জন যাত্ৰী৷ তেনেতে চালকজনৰ হৃদযন্ত্ৰৰ ক্ৰিয়া বন্ধ হৈ পৰা উপক্ৰম হয়৷সেইসময়তে চালকজনে নিজৰ মনোবল প্ৰয়োগ কৰি বাহনখন এখন দেৱালত খুন্দা মাৰি শেষ উশাহ লোৱাৰ আগতে গাড়ীখন বন্ধ কৰি দিয়ে৷যাৰ ফলশ্ৰুতিত ৪৮ লোকৰ মৃত্যু হয়৷
কান্ধমাল জিলাৰ পাবুৰীয়া গাঁৱৰ সমীপত শুকুৰবাৰে নিশা এই ঘটনা সংঘটিত হয়৷ সনা প্ৰধান নামৰ বাছখনৰ চালকজনৰ গাড়ী চলোৱাৰ সময়তে বুকুৰ বিষ হ’বলৈ আৰম্ভ কৰে, আৰু ষ্টিয়াৰিঙৰ নিয়ন্ত্ৰণ হেৰুৱাই পেলাই৷তথাপিও নিজৰ দৃঢ় মনোবলৰ দ্বাৰা সকলো যাত্ৰীক বচাবলৈ সক্ষম হয়৷
'মা লক্ষ্মী' নামৰ ব্যক্তিগত বাছখন সাধাৰণতে প্ৰতি নিশা কান্ধমালৰ সৰনগৰৰ পৰা জি উদয়াগিৰি হৈ ৰাজ্যৰ ৰাজধানী ভুৱনেশ্বৰলৈ যায় বুলি স্থানীয় ৰাইজে জানিবলৈ দিয়ে৷ঘটনাৰ পাছতে চালকজনক ওচৰৰ চিকিৎসালয়লৈ লৈ যোৱা হয় যদিও হৃদযন্ত্ৰৰ ক্ৰিয়া বন্ধ হোৱাৰ বাবে তাত চিকিৎসকে তেওঁক মৃত বুলি ঘোষণা কৰে৷মৰণোত্তৰ পৰীক্ষাৰ অন্তত প্ৰধানৰ মৃতদেহ পৰিয়ালৰ হাতত গতাই দিয়া হয়।
Continue Reading
