নাজানো সদায় দেউতা কিয় পিছ পৰে!

ছ’চিয়েল মিডিয়াত ভাইৰেল হৈ পৰা এটা পোষ্ট

১) মায়ে ৯ মাহলৈ ধাৰণ কৰে,  দেউতাই ২৫ বছৰলৈ কঢ়িয়াই ফুৰে, সেয়ে দুয়োজনেই সমান, তথাপি বুজিব নোৱাৰোঁ দেউতা কিয় পিছ পৰি ৰয়!

২) পৰিয়ালটোৰ বাবে মায়ে বেতন নলৈও কাম কৰি যায়। দেউতাই বেতনৰ সকলো টকা পৰিয়ালৰ বাবেই খৰছ কৰে, দুয়োজনৰে প্ৰয়াস সমান সমান, কিন্তু বুজি নাপাওঁ দেউতা সদায় কিয় পিছ পৰি ৰয়!

৩) খাবলৈ যিয়েই বিচাৰা মায়ে তাকেই ৰান্ধে, যিয়েই বিচাৰা দেউতাই কিনি আনি দিয়ে, দুয়োৰে মৰম সমান সমান, কিন্তু মাৰ মৰম সবাতকৈ ওপৰত বুলি দেখুওৱা হয়। দেউতা কিয় পিছ পৰি ৰয়!

৪) যেতিয়া তুমি ফোন কৰা, তুমি প্ৰথমেই মাকহে বিচাৰা। দুখ পোৱাও যদি "মা' বুলিহে চিঞৰা। তোমাৰ যেতিয়া কিহবাৰ প্ৰয়োজন, তেতিয়াহে দেউতাক বিচাৰা, তথাপি দেউতাই এইকথা মনলৈ নানে যে আন সময়ত তুমি তেওঁক মনত নেপেলোঁৱা। যেতিয়া ল’ৰা-ছোৱালীৰ মৰম বিচাৰে, যুগে যুগে, কিয় জানো দেউতাবোৰ সদায় পিছ পৰি ৰয়!

৫) আলমাৰীবোৰ বিভিন্নৰঙী শাৰীৰে ভৰ্তি হয়, লগতে ল'ৰা-ছোৱালীৰ বিভিন্নৰঙী পোছাক। কিন্তু দেউতাৰ কাপোৰ তেনেই কম থাকে, কাৰণ নিজৰ প্ৰয়োজনৰ বাবে তেওঁৰ আগ্ৰহ নাই। তথাপি নাজানো সদায় তেওঁ কিয় পিছত ৰয়!

৬) মাৰ সোণৰ অলংকাৰ বহুত, দেউতাৰ মাথোঁ এটাহে সোণৰ আঙুঠি, সেয়াও তেওঁৰ বিয়াৰ সময়তে পাইছিল। তথাপি মায়ে ভোৰভোৰায়, কম অলংকাৰ আছে বুলি আৰু দেউতাৰ একো আপত্তি নাই। তথাপি বুজি নাপাওঁ দেউতা কিয় সদায় পিছ পৰি ৰয়।

৭) জীৱনটোৰ সৰহভাগ জুৰি দেউতাই কষ্ট কৰে পৰিয়াল পোহপালৰ বাবে, কিন্তু যেতিয়া স্বীকৃতিৰ কথা আহে, নাজানো কিয় তেওঁ পিছ পৰি ৰয়!

৮) মায়ে কয়, কলেজৰ ফীজ আমি এইবাৰ দিবৰ হ'ল, এইবাৰ মোক পূজাত কাপোৰ দিব নালাগে কিন্তু দেউতাৰ কিঞ্চিত মনলৈও নাহে তেতিয়া, কোনো নতুন কাপোৰৰ কথা! তেওঁলোকৰ মৰম সমান কিন্তু নুবুজোঁ সদায়, দেউতা কিয় পিছ পৰে।

৯) যেতিয়া পিতৃ-মাতৃ বুঢ়া হৈ আহে, সন্তানে কয়, ঘৰৰ কাম-বন মায়ে আৰু নোৱাৰা হৈ আহিছে, কিন্তু দেউতা… অদৰকাৰী।

দেউতা ‘পিছত’ থাকে (ক’ব পাৰি পিছফালে থাকে)… কাৰণ তেওঁ হ'ল পৰিয়ালটোৰ ৰাজহাড়। তেওঁৰ বাবেই আমি পোন হৈ থাকিব পাৰোঁ। সম্ভৱ, সেয়ে হয়তো তেওঁ ‘পিছত থাকিবলগা হয়’!

 ( মূল ইংৰাজী চৈয়দ মাহমুদ হাছানৰ সৌজন্যত)