নৰেন্দ্ৰ মোদী আৰু অমিত শ্বাহক দেশৰ কাম সামৰি ছুটী লবলৈ কোনে দিলে পৰামৰ্শ?

ডিজিটেল ডেস্কঃ নুছৰত জাহানে প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় গৃহমন্ত্ৰী অমিত শ্বাহক দীঘলীয়া বন্ধ ল`বলৈ পৰামৰ্শ দিছে। নুছৰতে অভিযোগ কৰে যে, নৰেন্দ্ৰ মোদী নেতৃত্বাধীন কেন্দ্ৰীয় চৰকাৰে প্ৰশাসনিক আৰু আইন-শৃংখলা বজাই ৰখাত ব্যৰ্থ হৈছে বুলি তেওঁ অভিযোগ কৰে। মধ্যপ্ৰদেশত চোৰাং চিকাৰীৰ হাতত আৰক্ষীৰ হত্যাকাণ্ডৰ কথা উল্লেখ কৰি সাংসদ অভিনেত্ৰীগৰাকীয়ে প্ৰধানমন্ত্ৰী আৰু কেন্দ্ৰীয় গৃহমন্ত্ৰীক এনেদৰে আক্ৰমণৰ লক্ষ্য কৰি লৈছিল। 

নুচৰতে কয়, "প্ৰধানমন্ত্ৰী আৰু কেন্দ্ৰীয় গৃহমন্ত্ৰীয়ে ছুটি ল'ব লাগিব। আপুনালোক বন্ধলৈ যাওক। ৰাজনীতি আৰু প্ৰশাসনিক কাম-কাজ কৰিব নালাগে। একে সময়তে, তৃণমূল কংগ্ৰেছৰ সাংসদজনে আক্ৰমণ কৰি কয়, "তেওঁলোকে তেওঁলোকৰ কামত সম্পূৰ্ণৰূপে বিফল হৈছে আৰু দেশৰ মানুহে এই বিফলতাৰ চূড়ান্ত পৰিণাম ভূগিব লগা হৈছে। ''

শেহতীয়াকৈ, মধ্য প্ৰদেশত তিনিজন আৰক্ষীক হত্যা কৰাৰ অভিযোগ উত্থাপন হৈছে।  এজন উপ পৰিদৰ্শক, এজন হেড কনিষ্টবল আৰু এজন কনিষ্টবল অন্তৰ্ভুক্ত আছে। তেওঁলোকক মধ্য প্ৰদেশৰ গুনা অঞ্চলত চোৰাং চিকাৰীয়ে হত্যা কৰিছে।  জনা যায় যে গোপন উৎসৰ পৰা চোৰাং চিকাৰীৰ বিষয়ে তথ্য পোৱাৰ পাছত আৰক্ষীয়ে তালাচী চলাইছিল। নিৰ্ধাৰিত স্থানত উপস্থিত হোৱাৰ লগে লগে চোৰাং চিকাৰীসকলে তেওঁলোকক ঘেৰি ধৰিছিল, তাৰ পিছত  তেওঁলোকৰ ওপৰত নিৰ্বিচাৰভাৱে গুলীচালনা কৰিছিল। গুলীচালনাৰ ফলত তিনিজন আৰক্ষী বিষয়া নিহত হৈছিল। মধ্য প্ৰদেশৰ গৃহ মন্ত্ৰী নৰোত্তম মিশ্ৰাই ঘটনাটোৰ তদন্তৰ নিৰ্দেশ দিছে। 

ইয়াৰ পূৰ্বে অভিনেত্ৰী-সাংসদ নুছৰত জাহানে প্ৰধানমন্ত্ৰীক আক্ৰমণ কৰিছিল। প্ৰধানমন্ত্ৰী  নৰেন্দ্ৰ মোদীক টুইটাৰযোগে সমালোচনা কৰি তৃণমূলৰ সাংসদ নুছৰত জাহানে ছ'চিয়েল মিডিয়াত লিখিছে, " প্ৰধানমন্ত্ৰী মহোদয়, সময় আহি পৰিছে। এতিয়া অন্তত নেতৃত্ব কেনেদৰে দিব লাগে শিকক। ভাৰত স্বাৱলম্বী হ'ব, কেৱল আপুনি টেলিপ্ৰম্পটাৰৰ নিৰ্ভৰশীলতা ত্যাগ কৰক।