মিঠা মুখেৰে পৰিৱৰ্তনৰ যাত্ৰাৰ বাবে সাজু; ধিং সমষ্টিত শ শ মিঠাই বিতৰণ ন-বিধায়ক মেহবুব মুক্তাৰৰ

ডিজিটেল ডেস্ক: বিধানসভা নিৰ্বাচনৰ ফলাফলৰ আনন্দ উল্লাস এতিয়াও অব্যাহত আছে ধিং সমষ্টিত। ফলাফলৰ পাছত স্কুলৰ ছাত্ৰ-ছাত্ৰীকে ধৰি জুম্মাৰ নামাজীৰ মাজত ন বিধায়কৰ মিঠাই বিতৰণ।

অসমৰ ৰাজনীতিত পৰিৱৰ্তনৰ জ্বৰে তচনচ কৰিলে এ আই ইউ ডি এফৰ ভেটি। এ আই ইউ ডি এফৰ ২০ বছৰীয়া ৰাজত্বৰ অৱসান ঘটাই প্ৰাক্তন সাংবাদিক মেহবুব মুক্তাৰক দিছপুৰলৈ নিৰ্বাচিত ধিং সমষ্টিবাসীৰ। বিৰোধী মিত্ৰ-জোটৰ হৈ ৰাইজৰ দলৰ প্ৰাৰ্থীগৰাকীক প্ৰায় ৭২ হাজাৰ ভোটত জয়ী হয়। প্ৰাৰ্থীগৰাকীৰ জয়ৰ পাছৰ পৰাই ধিং সমষ্টিত মিঠাইৰ বৰষুণ। 

ৰিজাল্ট ঘোষণাৰ দিন ধৰি বিভিন্ন স্থানত মিঠাই বিতৰণ। ন বিধায়কৰ মিঠাই খাইছে বিদ্যালয়ৰ ছাত্ৰ-ছাত্ৰীৰ পৰা জুম্মাৰ নামাজীলৈ সকলোৱে। নিৰ্বাচনৰ ফলাফল ঘোষণাৰ পাছৰ প্ৰথমটো জুম্মাৰ নামাজত অংশগ্ৰহণ কৰি দুই সহস্ৰাধিক নামাজীৰ মাজত মিঠাই বিতৰণ বিধায়ক মেহবুব মুক্তাৰৰ। স্কুলৰ জিৰণিৰ সময়ত ছাত্ৰ-ছাত্ৰী, শিক্ষকৰ মাজতো মিঠাই বিতৰণ ন বিধায়কগৰাকীৰ। মিঠা মুখেৰে যেন পৰিৱৰ্তনৰ যাত্ৰাৰ বাবে সাজু হৈছে ধিং সমষ্টিবাসী।