২০২৪ চনৰ পেৰিছ অলিম্পিকত মনু ভাকেৰে দুটা ব্ৰঞ্জৰ পদক লাভ কৰিছিল, ইয়াৰে এটাত তেওঁ একক মহিলাৰ ১০ মিটাৰ এয়াৰ পিষ্টল ইভেণ্টত জয়ী হৈছিল। মিক্সড ১০ মিটাৰ এয়াৰ পিষ্টল ইভেণ্টত দ্বিতীয়টো পদক লাভ কৰে। আনহাতে ডি গুকেশে আটাইতকৈ কম বয়সীয়া বিশ্ব দবা চেম্পিয়ন

Listen to Article

2 min read

80%

ডিজিটেল ডেস্কঃ ২০২৪ চনৰ পেৰিছ অলিম্পিকত দুটাকৈ পদক লাভ কৰা মনু ভাকেৰ আৰু কিশোৰ বিশ্ব, দবা চেম্পিয়ন ডি গুকেশকে ধৰি চাৰিগৰাকী ভাৰতীয় খেলুৱৈক সন্মানীয় মেজৰ ধ্যান চান্দ খেলৰত্ন বঁটা প্ৰদান কৰা হয়। ৰাষ্ট্ৰপতি ভৱনত খেলুৱৈসকলক বঁটা প্ৰদান কৰে ৰাষ্ট্ৰপতি দ্ৰৌপদী মুৰ্মুৱে। ইয়াৰ উপৰিও পুৰুষ হকী দলৰ অধিনায়ক হৰমনপ্ৰীত সিং আৰু পেৰা এথলীট প্ৰবীণ কুমাৰক বঁটা প্ৰদান কৰা হয়।

২০২৪ চনৰ পেৰিছ অলিম্পিকত মনু ভাকেৰে দুটা ব্ৰঞ্জৰ পদক লাভ কৰিছিল, ইয়াৰে এটাত তেওঁ একক মহিলাৰ ১০ মিটাৰ এয়াৰ পিষ্টল ইভেণ্টত জয়ী হৈছিল। মিক্সড ১০ মিটাৰ এয়াৰ পিষ্টল ইভেণ্টত দ্বিতীয়টো পদক লাভ কৰে।

আনহাতে ডি গুকেশে আটাইতকৈ কম বয়সীয়া বিশ্ব দবা চেম্পিয়ন হোৱাৰ খিতাপ লাভ কৰিছিল। চীনৰ গ্ৰেণ্ডমাষ্টাৰ ডিং লিৰেনক পৰাস্ত কৰি গুকেশে ঐতিহাসিক জয় পঞ্জীয়ন কৰিছিল। মাত্ৰ ১৮ বছৰ বয়সতে বিশ্ব চেম্পিয়ন হৈছিল গুকেশ।

২০২৪ চনৰ পেৰিছ অলিম্পিকত ব্ৰঞ্জৰ পদক লাভ কৰা ভাৰতীয় দলৰ অংশ আছিল পুৰুষৰ ভাৰতীয় হকী দলৰ অধিনায়ক হৰমনপ্ৰীত সিং। ইয়াৰ উপৰিও টকিঅ’ অলিম্পিকত ব্ৰঞ্জ বিজয়ী দলৰ অংশও আছিল হৰমনপ্ৰীত।

আনহাতে, হাই জাম্পাৰ প্ৰবীণ কুমাৰে ২০২৪ চনৰ পেৰিছ পেৰালিম্পিকত স্বৰ্ণ পদক লাভ কৰিছিল। ইয়াৰ উপৰিও প্ৰবীণ কুমাৰে টকিঅ’ পেৰালিম্পিকত ৰূপৰ পদক লাভ কৰে। উল্লেখ্য যে প্ৰবীণ কুমাৰৰ বাওঁ ভৰিখন জন্মৰ পৰাই সৰু আছিল।

৩৪ গৰাকী খেলুৱৈলৈ অৰ্জুন বঁটা

জ্যোতি ইয়াৰাজী- এথলেটিকছ

অনুন্ন ৰাণী- এথলেটিকছ

নীতু- বক্সিং

মিঠা - বক্সিং

বন্তিকা আগৰৱালা- দবা

ছালিমা টেটে- হকী

অভিষেক- হকী

সঞ্জয় - হকী

জাৰ্মানপ্ৰীত সিং- হকী

সুখজিৎ সিং- হকী

ৰাকেশ কুমাৰ- পেৰা-আৰ্চাৰী