ডিজিটেল ডেস্কঃ শেহতীয়াকৈ বিচিচিআইৰ পৰ্যালোচনা বৈঠক অনুষ্ঠিত হৈছিল। ইয়াত বহু গুৰুত্বপূৰ্ণ বিষয় আলোচনা কৰা হৈছিল। এক বাতৰি অনুসৰি বিচিচিআইয়ে এতিয়া তাৰকা খেলুৱৈসকলক স্তম্ভিত কৰিবলৈ ওলাইছে। ভাৰতীয় খেলুৱৈসকলে নিজৰ ব্যক্তিগত কৰ্মচাৰীৰ সৈতে ভ্ৰমণলৈ যাব নোৱাৰিব। এই নিয়ম অতি সোনকালে আনুষ্ঠানিকভাৱে কাৰ্যকৰী কৰিব পাৰিব বিচিচিআইয়ে।
নিউজিলেণ্ড আৰু অষ্ট্ৰেলিয়াৰ মাজত অনুষ্ঠিত হোৱা টেষ্টত ভাৰতে এক গুৰুতৰ পৰাজয়ৰ সন্মুখীন হ’বলগীয়া হৈছিল। ইয়াৰ পিছতে কঠোৰ হৈ পৰিছে বিচিচিআই।খবৰ অনুসৰি টিম ইণ্ডিয়াৰ বাবে বিচিচিআইয়ে নতুন নিয়ম উলিয়াইছে। এতিয়া খেলুৱৈসকলে টিম ইণ্ডিয়াৰ ভ্ৰমণত ব্যক্তিগত কৰ্মচাৰী নিব নোৱাৰিব।
প্ৰশিক্ষকৰ ব্যক্তিগত কৰ্মচাৰীকো নিষিদ্ধ কৰা হ'ব -
ভাৰতীয় দলৰ মুখ্য প্ৰশিক্ষক গৌতম গম্ভীৰক লৈও বহু প্ৰশ্ন উত্থাপন হৈছে। খবৰ অনুসৰি গম্ভীৰ নিজৰ ব্যক্তিগত মেনেজাৰৰ সৈতে টিম ইণ্ডিয়া ভ্ৰমণলৈ যায়। এইটো এটা ডাঙৰ বিষয় হৈ পৰিল। এতিয়া গম্ভীৰৰ ব্যক্তিগত মেনেজাৰে টিম ইণ্ডিয়াৰ সৈতে যাত্ৰা কৰিব নোৱাৰিব। তেওঁ টিম ইণ্ডিয়াৰ বাছতো বহিব নোৱাৰিব। খেলুৱৈসকলৰ লগতে প্ৰশিক্ষকৰ ব্যক্তিগত কৰ্মচাৰীকো সম্পূৰ্ণৰূপে নিষিদ্ধ কৰা হ’ব।
ৰোহিত আৰু কোহলীৰ বাবে বিশেষ নাছিল অষ্ট্ৰেলিয়া ভ্ৰমণ -
ভাৰতীয় দলৰ খেলুৱৈ বিৰাট কোহলী আৰু অধিনায়ক ৰোহিত শৰ্মাৰ বাবে অষ্ট্ৰেলিয়া ভ্ৰমণ বিশেষ নাছিল। পাঁচখন খেলৰ শৃংখলাত ৩-১ ত পৰাজয়ৰ সন্মুখীন হ’বলগীয়া হৈছিল ভাৰতীয় দলে। ইয়াত কোহলী আৰু ৰোহিতে বিশেষ প্ৰদৰ্শন কৰিব নোৱাৰিলে। ইয়াৰ পূৰ্বে ভাৰতে নিউজিলেণ্ডৰ বিৰুদ্ধে টেষ্টত পৰাজয়ৰ সন্মুখীন হ’বলগীয়া হৈছিল।
Continue Reading
