ডিজিটেল ডেস্ক : অসমৰ লগতে অৰুণাচল প্রদেশতো দুদিন ধৰি নেৰানেপেৰাকৈ হৈ থকা বৰষুণৰ ফলত ভূমিস্খলন হৈ দুটা শিশুসহ ৭জন লোকৰ প্রাণহানি হোৱাৰ লগত জনজীৱনৰ বিস্তৰ ক্ষতিসাধন হৈছে। শনিবাৰে অৰুণাচল প্ৰদেশৰ মুখ্যমন্ত্ৰী, গৃহ মন্ত্ৰী আৰু স্থানীয় বিধায়কে গভীৰ শোক প্ৰকাশ কৰি ইষ্ট কামেং জিলা প্রশাসনক সকলোধৰণৰ ব্যৱস্থা গ্ৰহণ কৰাৰ নিৰ্দেশ দিয়ে। অৰুণাচল প্ৰদেশৰ ১৩নং বানা-চেপা ৰাষ্ট্ৰীয় ঘাইপথত যোৱা শুকুৰবাৰে সংঘটিত হৈছিল এটা শোকাবহ ঘটনা।
উল্লেখযোগ্য যে এখন মাৰুতি ফ্ৰনক্স গাড়ীৰে যোৱাৰ পথত হঠাৎ ভূমিস্খলনৰ ফলত গাড়ীখন উটি গৈ গভীৰ খাদত বুৰ যোৱাৰ ফলত এগৰাকী গৰ্ভৱতী মহিলা আৰু দুটা শিশুসহ সাতজন লোকে প্রাণ হেৰুৱায়। পৰিয়ালৰ সূত্রই জানিবলৈ দিয়া মতে, দুর্ঘটনাগ্রস্ত গাড়ীখনত দুটা পৰিয়ালৰ লোক আছিল। ধাৰাসাৰ বৰষুণত পাহাৰৰ মাটি খহি নিমিষতে দুটা পৰিয়ালৰ সাতজন লোকে অকালতে মৃত্যুক আঁকোৱালি ল'বলগীয়া হ'ল। ইষ্ট কামেং জিলা প্রশাসনে দবাপিটা বৰষুণৰ মাজতে স্থানীয় আৰক্ষী, সেনা বাহিনীৰ জোৱান আৰু ৰাইজৰ সহযোগত ৬ ঘণ্টা সময় উদ্ধাৰ অভিযান চলাই ৭টা মৃতদেহ উদ্ধাৰ কৰিবলৈ সক্ষম হয়। মৃত লোককেইজনৰ নাম ক্রমে সঞ্জু বাদি (৩২), পত্নী তাচুম বাদি, কন্যা কাচুং বাদি (৫) আৰু পুত্ৰ নিচা বাদি (২)। আনহাতে এগৰাকী গৰ্ভৱতী মহিলা আৰু দুটি শিশু সন্তানক আৰক্ষীয়ে চিনাক্ত কৰিব পৰা নাই। আনহাতে, নামনি সোৱণশিৰি জিলাৰ ডাপুৰিত বানৰ কবলত টাটি টাকু (৪৫) নামৰ এগৰাকী মহিলাৰ মৃত্যু হয়। আজিও অৰুণাচলত বৰষুণ হৈ আছে।
অৰুণাচল প্ৰদেশৰ গৃহ বিভাগে প্রদেশখনৰ সকলো জিলা প্ৰশাসনক এক নির্দেশযোগে সতর্কতা অৱলম্বন কৰিবলৈ কয়। এই সময়ত জৰুৰী কাম-কাজ নাথাকিলে পাহাৰীয়া পথেৰে আহ-যাহ নকৰিবলৈ আহ্বান জনায়। যিকোনো দুৰ্যোগৰ পৰা ৰক্ষা পাবলৈ ৰাইজক সজাগ হৈ থাকিবলৈও আহ্বান জনোৱা হৈছে।
উল্লেখযোগ্য যে এখন মাৰুতি ফ্ৰনক্স গাড়ীৰে যোৱাৰ পথত হঠাৎ ভূমিস্খলনৰ ফলত গাড়ীখন উটি গৈ গভীৰ খাদত বুৰ যোৱাৰ ফলত এগৰাকী গৰ্ভৱতী মহিলা আৰু দুটা শিশুসহ সাতজন লোকে প্রাণ হেৰুৱায়। পৰিয়ালৰ সূত্রই জানিবলৈ দিয়া মতে, দুর্ঘটনাগ্রস্ত গাড়ীখনত দুটা পৰিয়ালৰ লোক আছিল। ধাৰাসাৰ বৰষুণত পাহাৰৰ মাটি খহি নিমিষতে দুটা পৰিয়ালৰ সাতজন লোকে অকালতে মৃত্যুক আঁকোৱালি ল'বলগীয়া হ'ল। ইষ্ট কামেং জিলা প্রশাসনে দবাপিটা বৰষুণৰ মাজতে স্থানীয় আৰক্ষী, সেনা বাহিনীৰ জোৱান আৰু ৰাইজৰ সহযোগত ৬ ঘণ্টা সময় উদ্ধাৰ অভিযান চলাই ৭টা মৃতদেহ উদ্ধাৰ কৰিবলৈ সক্ষম হয়। মৃত লোককেইজনৰ নাম ক্রমে সঞ্জু বাদি (৩২), পত্নী তাচুম বাদি, কন্যা কাচুং বাদি (৫) আৰু পুত্ৰ নিচা বাদি (২)। আনহাতে এগৰাকী গৰ্ভৱতী মহিলা আৰু দুটি শিশু সন্তানক আৰক্ষীয়ে চিনাক্ত কৰিব পৰা নাই। আনহাতে, নামনি সোৱণশিৰি জিলাৰ ডাপুৰিত বানৰ কবলত টাটি টাকু (৪৫) নামৰ এগৰাকী মহিলাৰ মৃত্যু হয়। আজিও অৰুণাচলত বৰষুণ হৈ আছে।
অৰুণাচল প্ৰদেশৰ গৃহ বিভাগে প্রদেশখনৰ সকলো জিলা প্ৰশাসনক এক নির্দেশযোগে সতর্কতা অৱলম্বন কৰিবলৈ কয়। এই সময়ত জৰুৰী কাম-কাজ নাথাকিলে পাহাৰীয়া পথেৰে আহ-যাহ নকৰিবলৈ আহ্বান জনায়। যিকোনো দুৰ্যোগৰ পৰা ৰক্ষা পাবলৈ ৰাইজক সজাগ হৈ থাকিবলৈও আহ্বান জনোৱা হৈছে।
উৎসঃ দৈনিক জনমভূমি
Continue Reading
