পেৰিছ অলিম্পিকত স্বৰ্ণ বিজয়ী ইমান খলিফ এজন পুৰুষ নেকি?

প্ৰকাশ পোৱা নথিখনত ​​উল্লেখ কৰা হৈছে যে খলিফৰ আভ্যন্তৰীণ অণ্ডকোষ আৰু এক্স ৱাই ক্ৰম’জম আছে, যিয়ে ৫-আলফা ৰিডাক্টেজ ইনচুফিচিয়েন্সি নামৰ বিসংগতিৰ দিশে ইংগিত দিয়ে ৷ উল্লেখ্য যে অলিম্পিকৰ সময়ত ইমান খলিফৰ বিৰুদ্ধে খেলা বহু মহিলা বক্সাৰে ইংগিতৰ জৰিয়তে আলোকপাত কৰিবলৈ চেষ্টা কৰিছিল যে ইমানৰ এক্স ৱাই ক্ৰম’জম আছে। পেৰিছৰ ক্ৰেমলিন-বিচেট্ৰে হাস্পতাল আৰু আলজিয়াৰ্ছৰ মহম্মদ লেমিন দেবাঘিন হাস্পতালৰ বিশেষজ্ঞসকলে ২০২৩ চনৰ এক ৰিপৰ্টত বহু কথা প্ৰকাশ কৰিছিল। এই ৰিপৰ্টত ইমানৰ জৈৱিক বৈশিষ্ট্য, যেনে আভ্যন্তৰীণ অণ্ডকোষৰ অস্তিত্ব আৰু জৰায়ুৰ অনুপস্থিতিৰ বিষয়ে বৰ্ণনা কৰা হৈছে। ইয়াৰ উপৰিও ৰেডাক্সৰ ৰিপৰ্ট অনুসৰি এমআৰআইত ইমানৰ মাইক্ৰ’পেনিছৰ উপস্থিতিও প্ৰকাশ পাইছিল। এতিয়া এই ৰিপৰ্ট ওলোৱাৰ পিছত ইমানৰ বিৰুদ্ধে কি ব্যৱস্থা গ্ৰহণ কৰা হয় সেয়া জানিবলৈ সমগ্ৰ বিশ্বই অপেক্ষা কৰি আছে ।

ইমান খলিফৰ লিংগক লৈ প্ৰশ্ন উত্থাপন হোৱাটো এয়া প্ৰথম নহয়। ইয়াৰ পূৰ্বে আন্তঃৰাষ্ট্ৰীয় বক্সিং এছ’চিয়েশ্যনেও ২০২৩ চনত তেওঁক নিষিদ্ধ কৰিছিল। দিল্লীৰ বক্সিং এছ’চিয়েশ্যনে ইমানক বিশ্ব চেম্পিয়নশ্বিপৰ স্বৰ্ণ পদক মেচত অংশগ্ৰহণ কৰাত নিষেধাজ্ঞা আৰোপ কৰিছিল।

লিংগ বিতৰ্কৰ সন্দৰ্ভত ইমান খলিফে ইয়াৰ পূৰ্বে কৈছিল, "মই আন নাৰীৰ দৰেই এগৰাকী নাৰী। মই এগৰাকী নাৰী ৰূপে জন্মগ্ৰহণ কৰিছোঁ , মই এগৰাকী সাধাৰন  নাৰীৰ দৰে জীয়াই আছো আৰু মই যোগ্যতা অৰ্জন কৰিছো।" আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্প, লেখক জে. ৰাউলিং আৰু টেছলাৰ মুখ্য কাৰ্যবাহী বিষয়া ইলন মাস্কে ইমান খলিফাৰ লিংগ সম্পৰ্কে কথা পাতিছিল, তাৰ পিছত ইমানে কয় যে এই লোকসকলে সৃষ্টি কৰা বিতৰ্কৰ বাবে তেওঁৰ জীৱনত গভীৰভাৱে প্ৰভাৱ পৰিছে।