প্ৰথমে কি? কণী নে কুকুৰা? বিজ্ঞানীসকলে বিচাৰি পাইছে উত্তৰ

৫১ টা জীৱাশ্ম প্ৰজাতি আৰু ২৯ টা জীৱিত প্ৰজাতি বিশ্লেষণ কৰাৰ পিছত অধ্যয়নটো কৰা হৈছিল।  জীৱবোৰক ডিম্বাণু(কণী পৰা ) আৰু ভিভিপেৰাছ (সন্তান জন্ম দিয়া) হিচাপে শ্ৰেণীবদ্ধ কৰা হৈছিল।  গৱেষকসকলে ইয়াত উল্লেখ কৰা মতে কণীতকৈ কুকুৰা আগতে আহিছিল। কাৰণ কণীৰ বিকাশৰ বাবে যি প্ৰ’টিনৰ প্ৰয়োজন সেয়া কেৱল কুকুৰাতহে থাকে। গৱেষণাটোৱে এই কথাৰ ওপৰত আলোকপাত কৰে যে এম্নিঅ'টৰ উদ্ভৱ হোৱাৰ আগতে, মেৰুদণ্ডী প্ৰাণীৰ এটা গোট ভ্ৰূণ বা ভ্ৰূণৰ বিকাশৰ মাজেৰে বিকশিত হৈছিল। গৱেষণাটোৱে কৈছে যে মাছৰ দৰে ফান  বিকশিত হোৱা প্ৰথম টেট্ৰাপডবোৰে উভচৰ বৈশিষ্ট প্ৰদৰ্শন কৰিছিল। টেট্ৰাপডবোৰে খাদ্য আৰু প্ৰজননৰ বাবে পানীৰ ওচৰত থাকিবলগীয়া  হৈছিল, ঠিক ভেকুলী আৰু চেলামেণ্ডাৰৰ দৰে উভচৰ প্ৰাণীৰ দৰে। 

ব্ৰিষ্টল স্কুল অৱ আৰ্থ চায়েন্সৰ অধ্যাপক মাইকেল বেণ্টনে বৰ্ণনা কৰিছে যে যেতিয়া ৩২০  নিযুত বছৰ আগতে এম্নিঅ'টছৰ অস্তিত্ব প্ৰকট হৈছিল, সেইবোৰে  জলপ্ৰতিৰোধী ছাল আৰু অন্যান্য প্ৰণালী বিকশিত হৈ পানীৰ পৰা আঁতৰি যাবলৈ সক্ষম হৈছিল। সুৰক্ষাৰ মূল চাবিকাঠি আছিল এম্নিঅ'টিক কণী। কণীটোৱে এক বিশেষ কাম কৰিছিল, যি বিকাশশীল সৰীসৃপটোক গৰম জলবায়ুত শুকাই যোৱাৰ পৰা সুৰক্ষিত কৰিছিল। 

এম্নিঅ'টাক পানীৰ পৰা আঁতৰি আহি স্থলজ প্ৰণালীত জীয়াই থাকিবলৈ সক্ষম কৰিছিল। কুকুৰাৰ জন্মও তেনে প্ৰক্ৰিয়াৰ মাজৰেই হৈছিল বুলি বহুতে ধাৰণা কৰে। গৱেষণাটো এতিয়াও চলি আছে আৰু গৱেষণাৰ কোনো দৃঢ় ফলাফল এতিয়াও ওলোৱা নাই।  কিন্তু দলটোৱে কৈছে  যে কণীতকৈ কুকুৰাহে আগতে অহাৰ ধাৰণাটো অধিক শক্তিশালী।