প্ৰয়াগৰাজৰ মহাকুম্ভত মাঘী পূৰ্ণিমাত ২কোটিতকৈ অধিক ভক্তৰ স্নান

ৰাজ্যখনৰ মুখ্যমন্ত্ৰী যোগী আদিত্যনাথে লক্ষ্ণৌৰ পৰাই এই পবিত্র স্নান কাৰ্যসূচীৰ নিৰীক্ষণ কৰি থাকে। এই 'মাঘী পূৰ্ণিমাৰ স্নান'ৰ লগে লগে মাহজোৰা 'কল্পবাস'ৰ অন্ত পৰিব আৰু প্ৰায় ১০ লাখ 'কল্পবাসী'য়ে মহাকুম্ভত্যাগ কৰিব। আনহাতে, জিলা প্রশাসনে ভক্তসকলক যান-বাহন আইন মানি চলিবলৈ আৰু কর্তৃত্বপ্রাপ্ত পার্কিং স্থানসমূহহে ব্যৱহাৰ কৰিবলৈ অনুৰোধ কৰিছে। ত্রিবেণী সংগমৰ ফালে লাখ লাখ ভক্তই অগ্ৰসৰ হৈ থকাৰ সময়তে উত্তৰ প্ৰদেশ চৰকাৰে সদৰী কৰিছে যে আজি ২ কোটিতকৈও অধিক ভক্তই ত্রিবেণী সংগমত পবিত্র স্নান সম্পন্ন কৰে। 

আনহাতে, চৰকাৰী বিষয়াসকলে প্রকাশ কৰা অনুসৰি, ভক্তসকলে যাতে কোনো ধৰণৰ জটিল পৰিস্থিতিৰ উদ্ভৱ নোহোৱালৈকে নিৰাপদে পবিত্র স্নান সম্পন্ন কৰিব পাৰে, ইয়াৰ বাবে আৱশ্যকীয় সকলো ব্যৱস্থা প্রশাসনে গ্রহণ কৰে। উল্লেখযোেগ্য যে অহা ২৬ ফেব্ৰুৱাৰীত মহাশিৱৰাত্ৰিৰ উপলক্ষে অনুষ্ঠিত হ'বলগীয়া চূড়ান্ত 'অমৃত স্নান'ৰ লগে লগে মহাকুম্ভমেলাৰ অন্ত পৰিব।