ডিজিটেল ডেস্ক : ভাৰতী সিং , নামেই যাৰ পৰিচয়। কৌতুক অভিনেত্ৰী ভাৰতী সিঙৰ কথা হয়তো সকলোৱে জানে। 'দ্য গ্ৰেট ইণ্ডিয়ান লাফটাৰ চেলেঞ্জ' অনুষ্ঠানটোৰ সৈতে সৰু পৰ্দাত কৌতুক যাত্ৰা আৰম্ভ কৰা ভাৰতীয়ে 'লাল্লি'ৰ চৰিত্ৰটোৰ বাবে অতি বিখ্যাত হৈ পৰিছিল। তেওঁ বিভিন্ন কমেডি ভিডিঅ'ৰ জৰিয়তে সকলোকে হাঁহিৰ খোৰাক যোগাবলৈ সক্ষম হৈছিল। কিন্তু সদায় কৌতুকৰ জৰিয়তে সকলোকে হঁহুৱাই থকা ভাৰতী সিঙৰ হঠাৎ কি হ'ল। কিয় কান্দি কান্দি ভিডিঅ' বনালে অভিনেত্ৰীগৰাকীয়ে।
অভিনেত্ৰী তথা কৌতুক শিল্পীগৰাকীয়ে নিয়মিতভাৱে সামাজিক মাধ্যমৰ জৰিয়তে অনুৰাগীসকলৰ সৈতে সংস্পৰ্শত থাকে। সম্প্ৰতি এক ভিডিঅ’ত তেওঁক কান্দোনত ভাঙি পৰাৰ এতিয়া অনুৰাগীসকলৰ মাজত বিশেষ চৰ্চা চলিছে। ভাৰতী সিঙে সামাজিক মাধ্যমত ভিডিঅ'ৰ জৰিয়তে কয় যে তেওঁ বেংককৰ পৰা ওভতাৰ পিছৰে পৰা অসুস্থ অনুভৱ কৰে।
যিহেতু বৰ্তমান দেশৰ লগতে সমগ্ৰ বিশ্বতে কৰ'নাৰ উদ্বেগ বৃদ্ধি পাইছে। নিজৰ ইউটিউব চেনেলত নিজৰ পৰিস্থিতিৰ কথা শ্বেয়াৰ কৰিছে তেওঁ। ভাৰতী সিঙে কয় তেওঁ জ্বৰত আক্ৰান্ত হৈছে। লগতে কয় তেওঁৰ স্বামী হৰ্ষে ভাৰতীৰ তেজ পৰীক্ষা কৰোৱাৰ বাবে সিদ্ধান্ত লৈছিল। কিন্তু ভাৰতীয়ে বেজিলৈ ভয় কৰে সেয়ে তেজ পৰীক্ষাৰ বাবে মান্তি হোৱা নাছিল। তেজ পৰীক্ষাৰ ভয়তেই ভিডিঅ'টোত অভিনেত্ৰীগৰাকীয়ে কান্দি থকা পৰিলক্ষিত হৈছে।
উৎসঃ দৈনিক জনমভূমি
Continue Reading
