ডিজিটেল ডেস্কঃ পুনৰ প্ৰেক্ষাপটত সংবাদ মাধ্যমৰ স্বতন্ত্ৰতাৰ প্ৰসংগ৷যোৱা বছৰ দ্য ৱায়াৰৰ সাংবাদিকসকলৰ পৰা জব্দ কৰা ইলেক্ট্ৰনিক যন্ত্ৰপাতিসমূহক লৈ দিল্লীৰ এখন আদালতে গুৰুত্বপূৰ্ণ মন্তব্য প্ৰদান কৰে৷
উক্ত গোচৰ সন্দৰ্ভত যোৱা ছেপ্টেম্বৰ মাহত দিল্লীৰ তিছ হাজাৰী আদালতৰ মুখ্য মহানগৰ দণ্ডাধীশ সিদ্ধাৰ্থ মালিকে ৰায় দিছিল যে আৰক্ষীৰ হাতত ইলেক্ট্ৰনিক যন্ত্ৰসমূহ ধৰি ৰখাৰ কোনো যুক্তিসংগত ভিত্তি নাই আৰু ই সংবাদ মাধ্যমৰ স্বতন্ত্ৰতাৰ বিৰুদ্ধে৷
স্মৰ্তব্য যে আদালতত ৱায়াৰক প্ৰতিনিধিত্ব কৰিছে অশ্বথ সীতাৰমণ, প্ৰসন্ন এছ. আৰু অৰ্চিত কৃষ্ণ-এ। ২০২২ চনৰ অক্টোবৰ মাহত ভাৰতীয় জনতা পাৰ্টীৰ এজন নেতাই দ্য ৱায়াৰৰ বিৰুদ্ধে অভিযোগ উত্থাপন কৰিছিল আৰু তাৰ পাছতে আৰক্ষীয়ে অভিযোগ উত্থাপিত সাংবাদিকসমূহৰ যন্ত্ৰসমূহ জব্দ কৰিছিল।
Continue Reading
