ডিজিটেল ডেস্ক: ভাৰতীয় দলৰ তাৰকা অফ স্পিনাৰ ৰবিচন্দ্ৰন অশ্বিনে যশপ্ৰীত বুমৰাহক ক্ৰিকেটৰ কোহিনুৰ বুলি অভিহিত কৰিছে। ইয়াৰ সমান্তৰালকৈ তেওঁ বুমৰাহক তেওঁৰ আঘাতৰ বাবে সমালোচনা কৰা সেইসকল লোকৰ বুজাবুজিৰ ওপৰতো প্ৰশ্ন উত্থাপন কৰিছে। অশ্বিনে কয় যে কোনো সন্দেহ নোহোৱাকৈ তেওঁ আটাইতকৈ ফিট ক্ৰিকেটাৰ, যিয়ে ঘণ্টাত ১৪৫ কিলোমিটাৰ বেগেৰে বল কৰে, আনকি প্ৰখৰ ৰ’দতো তেওঁ অতি সুন্দৰ প্ৰদৰ্শন কৰে, যিটো একেবাৰে সহজ কাম নহয়। অশ্বিনে ট্ৰাক আৰু মাৰ্চিডিজ বেঞ্জৰ উদাহৰণ দি বুমৰাহৰ গুৰুত্বৰ বিষয়ে বুজাই দিলে।
অশ্বিনৰ প্ৰথমটো অনুষ্ঠানত জ্যেষ্ঠ ক্ৰীড়া সাংবাদিক বিমল কুমাৰেও অংশগ্ৰহণ কৰে। তেওঁৱেই অশ্বিনক বুমৰাহৰ প্ৰতিক্ৰিয়া বিচাৰিছিল কাৰণ আজিকালি ছ’চিয়েল মিডিয়াত তেওঁৰ ফিটনেছক লৈ কিছু হুলস্থুলীয়া পৰিৱেশৰ সৃষ্টি হৈছে। এই সন্দৰ্ভত অশ্বিনে উত্তৰ দিলে যে ‘‘মানুহে প্ৰশ্ন কৰে আৰু তেওঁলোকে যি চিন্তা কৰে সেইটোৱেই উত্তৰ হোৱাটো বিচাৰে। এনে নহয়।’’
ইয়াৰ পাছত বেগী বলাৰৰ আঘাতৰ সন্দৰ্ভত তেওঁ কয় যে এজন বেগী বলাৰ আঘাত পোৱাটো স্বাভাৱিক কাৰণ তেওঁ সমগ্ৰ দলৰ বোজা কঢ়িয়াই আগবাঢ়ি যায়। অশ্বিনে এই কথা বুজাই দিলে এখন ট্ৰাক আৰু মাৰ্চিডিজ বেঞ্জৰ উদাহৰণ দি। অশ্বিনে কয়, ‘জছপ্ৰিত বুমৰাহ এজন বেগী বলাৰ। প্ৰখৰ ৰ’দত তেওঁ ঘণ্টাত ১৪৫ কিলোমিটাৰ বেগত বল কৰে। ইমান কষ্ট কৰে তেওঁ। তেওঁ ভাৰতীয় ক্ৰিকেটৰ কোহিনুৰ হীৰা ৷’
ইয়াৰ পিছত অশ্বিনে বুমৰাহক প্ৰশংসা কৰি অল-ৰাউণ্ডাৰ কপিল দেৱৰ লগত তুলনা কৰে। তেওঁ ক’লে, ‘কপিল দেৱৰ পিছত এনেকুৱা কোনোবা আছে নেকি, যিয়ে মেচখন জয়ী কৰাব পাৰে , মোৰ দৃষ্টিত বোমৰাহ ।’ তেওঁ ক’লে যে ‘বুমৰাহৰ ফিটনেছক লৈ প্ৰশ্ন উত্থাপন কৰাসকলে বুজিব লাগে যে ট্ৰাক আৰু মাৰ্চিডিজ বেঞ্জৰ মাজত পাৰ্থক্য আছে।মাৰ্চিডিজ বেঞ্জ এখন দামী অৰ্থাৎ বিলাসী গাড়ী, কিন্তু কল্পনা কৰকচোন এখন ট্ৰাক কেনেকুৱা? ই উত্তৰৰ পৰা দক্ষিণলৈ সকলো বোজা কঢ়িয়াই নিব লাগে এনে পৰিস্থিতিত ট্ৰাকখন নিশ্চিতভাৱে বেয়া হয়। একেদৰে বেগী বলাৰজনো আঘাতপ্ৰাপ্ত হৈছে, তেওঁ লাহে লাহে সুস্থ হৈ উঠিছে ৷ তেওঁ ভাৰতীয় ক্ৰিকেটৰ কোহিনুৰ হীৰা।’
Continue Reading
