ডিজিটেল ডেস্ক: শীতৰ আগমনৰ লগে লগে ঘন কুঁৱলিৰ আচ্ছাদনে আৱৰি ধৰিছে ধৰা৷যদিও এই পৰিৱেশে আমাক আলোড়িত কৰে ইয়াৰ বাবে বহুটো সমস্যাৰো সৃষ্টি হয়৷ শেহতীয়াকৈ ঘন কুঁৱলিৰ বাবে উত্তৰ-পূব সীমান্ত ৰে'লৱে বাতিল কৰিছে কেইবাখনো ৰে'ল৷
প্ৰাপ্ত খবৰ অনুসৰি কুঁৱলিৰ বাবে ৰে'ল চলাচলত অসুবিধাৰ সৃষ্টি হোৱা বাবে যাত্ৰীৰ সুৰক্ষাৰ প্ৰতি লক্ষ্য ৰাখি উত্তৰ-পূব সীমান্ত ৰে'লৱে কৰ্তৃপক্ষই এই সিদ্ধান্ত গ্ৰহণ কৰিছে বুলি এক বিবৃতি জাৰি কৰিছে৷
ডিব্ৰুগড়-চণ্ডীগড় এক্সপ্রেছ, কামাখ্যা-গয়া এক্সপ্রেছ, কামাখ্যা-আনন্দ বিহাৰ টাৰ্মিনেল এক্সপ্রেছ বাতিল কৰিছে উত্তৰ-পূব সীমান্ত ৰে'লৱে কৰ্তৃপক্ষই৷ ইয়াৰোপৰি কেইবাখনো নিয়মীয়াকৈ চলাচল কৰা ৰে'লৰ সেৱাৰ দিন হ্ৰাস কৰাৰ বুলি জনাইছে৷
সপ্তাহত দুদিনকৈ হ্ৰাস কৰা হৈছে নৰ্থ-ইষ্ট এক্সপ্রেছ, মহানন্দ এক্সপ্রেছৰ চলাচল ইয়াৰ বিপৰীতে অৱধ আছাম এক্সপ্রেছ, নতুন দিল্লী-নিউ জলপাইগুড়ি এক্সপ্রেছৰ সেৱা এদিন হ্ৰাস কৰা হৈছে ২০২৫ বৰ্ষৰ ২৮ ফেব্ৰুৱাৰীলৈ এই নতুন সূচী অনুসৰিয়েই ৰে'লসেৱা চলিথাকিব বুলি সদৰি কৰিছে উত্তৰ-পূব সীমান্ত ৰে'লৱে কৰ্তৃপক্ষই৷
বাতিলকৰা ৰে’ল সেৱাৰ সূচী:
ৰে’ল নং ১৫৯০৩ ডিব্ৰুগড় পৰা চণ্ডীগড় অভিমুখী এক্সপ্ৰেছ প্ৰতি সোমবাৰ আৰু শুক্ৰবাৰে ২৮ ফেব্ৰুৱাৰী, ২০২৫ লৈকে বাতিল থাকিব।
ৰে’ল নং ১৫৯০৪ চণ্ডীগড় পৰা ডিব্ৰুগড় অভিমুখী এক্সপ্ৰেছ প্ৰতি বুধবাৰ আৰু দেওবাৰে ০২মাৰ্চ, ২০২৫লৈকে বাতিল থাকিব।
ৰে’ল নং ১৫৬২০ কামাখ্যা পৰা গয়া অভিমুখী এক্সপ্ৰেছ প্ৰতি সোমবাৰে ২৪ফেব্ৰুৱাৰী, ২০২৫লৈকে বাতিল থাকিব।
ৰে’ল নং ১৫৬১৯ গয়া পৰা কামাখ্যা অভিমুখী এক্সপ্ৰেছ প্ৰতি মঙলবাৰে ২৫ফেব্ৰুৱাৰী, ২০২৫লৈকে বাতিল থাকিব।
Continue Reading
