শিৱৰ অতি প্ৰিয় ধতুৰা ফুল! ধতুৰা গছ ঘৰত থাকিলে আগমন ঘটে সৌভাগ্যৰ

ধৰ্মীয় দৃষ্টিকোণৰ পৰা এইটো বিশ্বাস কৰা হয় যে যদি এই উদ্ভিদবোৰ ঘৰত সঠিক দিশত ৰোপণ কৰা হয় আৰু নিয়মিতভাৱে ৰীতি-নীতিৰে পূজা কৰা হয় তেন্তে সেই ঘৰখনত ঈশ্বৰৰ কৃপা ৰৈ যায়। ভগৱান শিৱৰ বহুত প্ৰিয় ধতুৰা ফুল। ধতুৰা ফুলৰে নিয়মীয়া পূজা কৰিলে ভোলেশংকৰৰ কৃপা লাভ কৰিব পাৰি। 

জ্যোতিষৰ মতে ঘৰত ঘৰত ধতুৰা গছ ৰোপণ কৰিলে বায়ু শুদ্ধ হয়। ইয়াৰ সমান্তৰালভাৱে ঘৰখনলৈ সুখ-সমৃদ্ধি, সৌভাগ্য আৰু ধনৰ আগমন ঘটে। দেওবাৰ বা মঙলবাৰে ধতুৰা গছ ৰোপণ কৰিলে শুভ বুলি কোৱা হয়। ইয়াৰ লগতে যিকোনো শুভ নক্ষত্ৰমণ্ডলতো ইয়াক ৰোপণ কৰিব পাৰি। ধতুৰা গছ ঘৰত থাকিলে ঘৰত থকা ঋণাত্মক শক্তিৰ অন্ত পৰে আৰু কেৱল ধনাত্মক শক্তিয়ে বাস কৰে। ধতুৰা ফুল শিৱৰ অতি প্ৰিয়। সেয়েহে শিৱ পূজাৰ সময়ত শিৱলিংগত ধতুৰা আগবঢ়োৱা হয়। ইয়াৰ লগতে ধৰ্মীয় দিশৰ উপৰিও ধতুৰা আছে কিছুমান ঔষধি গুণ। 

১)শৰীৰৰ কোনাে অংশ বিষত ফুলি উঠিলে ধতুৰা গছৰ শিপা খুন্দি তাত অলপ ক’লা নিমখ মিহলাই সেই লেপন দুই-তিনি ঘন্টা দি ৰাখিলে সকাহ পােৱা যায়।

২)ধতুৰাৰ পাত খুন্দি তাৰ ৰস চুলিত লগাই দুই-তিনি ঘন্টা ৰাখি পাছত পানীৰে ধুই দিলে চুলি সৰা সমস্যা নােহােৱা হয়।

৩)ধতুৰাৰ পাত খুন্দি ইয়াৰ লেপন টকৌয়ে খােৱা অংশত লগাই চাৰি-পাঁচ ঘন্টা ৰাখিলে এই সমস্যা নােহােৱা হয়।

৪)ধতুৰাৰ পাত আৰু কোমল গুটি পিচি তাতে অলপ নাৰিকল তেল মিহলাই এই লেপন বেচু হােৱা অংশত লগাই তিনি-চাৰি ঘন্টা ৰাখি ধুই দিলে এই সমস্যা নােহােৱা হয়।