শিৱ-পাৰ্বতীৰ বিয়া হোৱা সেই মন্দিৰত পুনৰ বিবাহপাশত আবদ্ধ হ’ল কণ্ঠশিল্পী হংসৰাজ ৰঘুবংশী

বিশ্বাস কৰা হয় যে উত্তৰাখণ্ডৰ বিখ্যাত ৰুদ্ৰপ্ৰয়াগৰ ত্ৰিযুগিনাৰায়ণ মন্দিৰত ভগৱান শিৱ আৰু দেৱী পাৰ্বতীৰ বিবাহ হৈছিল আৰু সেইবাবেই দুয়োজনে ইয়াত দ্বিতীয় বিবাহ সম্পন্ন কৰে। 

কণ্ঠশিল্পী হংসৰাজ ৰঘুবংশীৰ পত্নী কোমল সাক্লানীয়ে ইনষ্টাগ্ৰামত শ্বেয়াৰ কৰিছে বহু ৰোমাঞ্চকৰ ফটো । এই ফটোসমূহৰ কেপচনত কোমলে লিখিছে যে ভগৱান শিৱ আৰু পাৰ্বতীৰ বিবাহ বিখ্যাত মন্দিৰ ত্ৰিযুগিনাৰায়ণত হৈছিল আৰু এই মন্দিৰৰ ভিতৰত যুগ যুগ ধৰি জুই জ্বলি আহিছে।

কোমল সাক্লানীয়ে নিজৰ ইনষ্টাগ্ৰামত লিখিছে - ‘‘ভগৱান শিৱ আৰু দেৱী পাৰ্বতীৰ বিবাহ ত্ৰিযুগীনাৰায়ণ মন্দিৰত হৈছিল । এই মন্দিৰৰ ভিতৰত বহু শতাব্দী ধৰি জুই প্ৰজ্বলিত হৈ আছে । শিৱ আৰু পাৰ্বতীয়ে এই পবিত্ৰ জুইক সাক্ষী কৰি বিবাহ পাশত আৱদ্ধ হৈছিল । ইয়াত, এক আন্তৰিক হৃদয়েৰে কৰা ইচ্ছা পূৰণ হয়, মোৰো পূৰণ হৈছে । আজি, আমি ভোলেনাথ আৰু মা পাৰ্বতীৰ প্ৰেমৰ প্ৰতীক স্থানত বিবাহ পাশত আৱদ্ধ হৈছো । এইটো আমাৰ সপোন আছিল, যিটো মহাদেৱ আৰু মা পাৰ্বতীৰ আশীৰ্বাদত পূৰণ কৰা হৈছে । কোমল সাক্লানী, হংসৰাজ ৰঘুবংশীৰ পত্নী ।’’

'মেৰা ভোলা হে ভাণ্ডাৰী' ভজনেৰে হংসৰাজ ৰঘুবংশীয়ে জনপ্ৰিয়তা অৰ্জন কৰিছিল । ইয়াৰ পিছত তেওঁ বলীউডৰ ছবি অ’ মাই গডৰ বাবেও গীত গাইছিল। ৰাম মন্দিৰৰ অভিষেকৰ পূৰ্বে তেওঁৰ জয় ছিয়া ৰাম ভজনটি সমগ্ৰ বিশ্বই আদৰি লৈছিল ।