সুৰামত্ত যুৱতীৰ বাহনে মহটিয়ালে নিশাৰ ৰাজপথত কৰ্মৰত শ্ৰমিকক

ডিজিটেল ডেস্ক : নিশাৰ মহানগৰীত সংঘটিত হয় ভয়ংকৰ পথদুৰ্ঘটনা৷ সুৰামত্ত যুৱতীৰ বাহনে মহটিয়ালে নিশাৰ ৰাজপথত কৰ্মৰত লোকনিৰ্মাণ বিভাগৰ ৯জনকৈ শ্ৰমিকক৷ মহানগৰীৰ ৰুক্মিণী গাঁৱত সংঘটিত হৈছে এই ভয়ংকৰ পথদুৰ্ঘটনাটো৷

উল্লেখ্য যে, সুৰামত্ত যুৱতীগৰাকীয়ে তীব্ৰগতিত চলাইছিল বাহন৷ সুৰামত্ত যুৱতীগৰাকীৰ বাহনখনে লোকনিৰ্মাণ বিভাগৰ এখন বাহনো খুন্দিয়াইছিল৷

গুৰুতৰভাৱে আঘাতপ্ৰাপ্ত ৯জন শ্ৰমিকক ভৰ্তি কৰোৱা হয় গুৱাহাটী চিকিৎসা মহাবিদ্যালয় হাস্পতালত৷ ইয়াৰে দুজনৰ অৱস্থা সংকটজনক বুলি জানিব পৰা গৈছে৷ আঘাতপ্ৰাপ্ত এজন শ্ৰমিকৰ দুয়োখন ভৰি ছিগি যায়৷ নিশাই দিছপুৰ আৰক্ষীয়ে আটক কৰিছে সুৰামত্ত যুৱতীগৰাকীক৷