ডিজিটেল ডেস্কঃ টিংখাঙত সংঘটিত হৈছে শোকাৱহ পথ দুৰ্ঘটনা। দুচকীয়া বাহনৰ মুখামুখি সংঘৰ্ষত দুজন নিহত আহত দুজন। টিংখাং আৰক্ষী থানাৰ অন্তৰ্গত ৰাইদঙীয়া অঞ্চলৰ টিংখাং-নামৰূপ সংযোগী পথত সংঘটিত হৈছে এই শোকাৱহ দুৰ্ঘটনা।
উল্লেখযোগ্য যে AS06M-2441 আৰু AS06AM5823 নম্বৰৰ বাইক দুখনৰ মুখামুখি সংঘৰ্ষৰ ফলত দিল্লীবাৰী ঘাঁহী গাঁৱৰ প্ৰশান্ত গগৈ নামৰ এজন লোক থিতাতে নিহত হোৱাৰ বিপৰীতে বৰ কোৰোকানী গাঁৱৰ ক্ষীৰোদ বৰা নামৰ আন এজন ব্যক্তিৰ ডিব্ৰুগড় অসম চিকিৎসা মহাবিদ্যালয়ত মৃত্যু হয়।
দুৰ্ঘটনাটোত প্ৰমোদ গগৈ আৰু উৎপল চাওদাং নামৰ দুজন আৰোহী গুৰুতৰভাৱে আঘাতপ্ৰাপ্ত হৈছে।
আহত দুয়োজনকে ততাতৈয়াকৈ নাহৰণি স্বাস্থ্য কেন্দ্ৰত ভৰ্ত্তি কৰোৱা হয় যদিও বৰ্তমান সংকটজনক অৱস্থাত উন্নত চিকিৎসাৰ বাবে ডিব্ৰুগড়লৈ প্ৰেৰণ কৰা হৈছে।
দুৰ্ঘটনাটোৰ ফলত সমগ্ৰ টিংখাঙতে এক শোকাকুল পৰিৱেশে বিৰাজ কৰিছে।
Continue Reading
