মুকালমুৱা আৰক্ষীৰ বৃহৎ সফলতা! জালত পৰিল ৯ চাইবাৰ অপৰাধী

ডিজিটেল ডেস্কঃ মুকালমুৱা আৰক্ষীৰ বৃহৎ সফলতা।মুকালমুৱা আৰক্ষীৰ জালত পৰিল চাইবাৰ অপৰাধত জড়িত ৯ গৰাকী অভিযুক্ত। নলবাৰী জিলাৰ মুকালমুৱা আৰক্ষীয়ে বিভিন্ন স্থানত অভিযান চলাই চাইবাৰ অপৰাধত জড়িত ৯ গৰাকী অভিযুক্তক গ্ৰেপ্তাৰ কৰে।

মুকালমুৱা আৰক্ষী থানাৰ ভাৰপ্ৰাপ্ত আৰক্ষী বিষয়া জ্যোতিষ গয়াৰীৰ নেতৃত্বত চলা অভিযানত গ্ৰেপ্তাৰ হোৱা চাইবাৰ অপৰাধত অভিযুক্ত কেইগৰাকী ক্ৰমে কুৰিহামাৰীৰ ফৰিদ আলী, কচুৱা পথাৰৰ বাবৰ আলি, কেকানকুচীৰ আব্দুল কালাম, হাজো গাওঁবুঢ়া পামৰ মুষ্টফা আলী বাহাৰুল ইছলাম আৰু ৰফিক আলী, কুৰিহামাৰীৰ জলিল আলী আহমেদ আৰু হাজো আন্ধুপাৰাৰ চান্দ মহম্মদ আলী।

মুকালমুৱা আৰক্ষীয়ে তেওঁলোকৰ বিৰুদ্ধে ২১২/২৫ নম্বৰত গোচৰ ৰুজু কৰিছে। আনহাতে,বৰপেটা জিলাৰ জনিয়াৰ নুৰ ইছলামৰ পুত্ৰ জাহিদুল ইছলামক গ্ৰেপ্তাৰ কৰি ২১১/২৫ নম্বৰত আন এটা গোচৰ ৰুজু কৰি আটাইকেইজনকে ন্যায়িক জিম্মালৈ প্ৰেৰণ কৰে।