ডিজিটেল ডেস্ক: বৰ্ধিত বায়ু প্ৰদূষণ আৰু শব্দ প্ৰদূষণৰ প্ৰতি লক্ষ্য ৰাখি দীপাৱলীত উচ্চতম ন্যায়ালয়ে নিষিদ্ধ কৰিছিল আতচবাজীৰ ব্যৱহাৰ৷ তাৰ পাছতো দিল্লীত আতচবাজী জ্বলোৱাক লৈ তীব্ৰ অসন্তুষ্টি প্ৰকাশ কৰিছে উচ্চতম ন্যায়ালয়ে।কিয় অমান্য কৰা হ’ল উচ্চতম ন্যায়ালয়ৰ আদেশ? কঠোৰ হৈ পৰিছে উচ্চতম ন্যায়ালয়৷
দিল্লী/এনচিআৰত ফটকা ব্যৱহাৰৰ ওপৰত নিষেধাজ্ঞা জাৰি কৰা হৈছিল, তথাপিও উলংঘা কৰা হ’ল এই নিষেধাজ্ঞা।উচ্চতম ন্যায়ালয়ে আতচবাজীৰ ব্যৱহাৰৰ বাবে হঠাতে বায়ুৰ গুণাগুণ হ্ৰাস পোৱা বুলি উল্লেখ কৰি কয় যে যদি আদালতৰ আদেশ কাৰ্যকৰী কৰা নহয় তেন্তে আদালতৰ আদেশৰ গুৰুত্ব ক’ত থাকিল? লগতে কয় যে ২০২২, ২০২৩ চনৰ তুলনাত এইবাৰ অধিক প্ৰদূষণ হৈছে বুলি উল্লেখ কৰিছে উচ্চতম ন্যায়ালয়ে৷
দিল্লীত ফটকা নিষিদ্ধ কৰাৰ পিছতো এই আদেশ কাৰ্যকৰী কৰিব নোৱাৰাৰ বাবে উচ্চতম ন্যায়ালয়ে দিল্লী আৰক্ষী আয়ুক্তলৈ এক জাননী জাৰি কৰিছে। দিল্লী প্ৰদূষণ সন্দৰ্ভত শুনানিত উচ্চতম ন্যায়ালয়ে দীপাৱলীত আতচবাজীৰ ব্যৱহাৰ বিষয়ত কঠোৰ ভৱে কয় যে আদালতৰ নিৰ্দেশ দিল্লীত কিয় কাৰ্যকৰী হোৱা নাই আৰু উত্তৰ বিচাৰিছে দিল্লী চৰকাৰৰ পৰা। প্ৰদূষণৰ সৈতে মোকাবিলা কৰাৰ বাবে গ্ৰহণ কৰা পদক্ষেপসমূহৰ সন্দৰ্ভত শপতনামা দাখিল কৰিবলৈ দিল্লী চৰকাৰক নিৰ্দেশ দিছে।ৰাজহুৱা প্ৰচাৰৰ বাবে লোৱা পদক্ষেপসমূহো ইয়াৰ ভিতৰত অন্তৰ্ভুক্ত হ’ব লাগে বুলি উল্লেখ কৰিছে আদালতে।
দিল্লী আৰক্ষীক এই সন্দৰ্ভত কিছু ব্যৱস্থা গ্ৰহণ কৰিবৰ বাবে আহ্বান জনাইছে উচ্চতম ন্যায়ালয়ে, যাতে অগলৈ ইয়াৰ পুনৰাবৃত্তি নহয়৷ আৰু উচ্চতম ন্যায়ালয়ে দিল্লী আৰক্ষী আয়ুক্তক এসপ্তাহৰ ভিতৰত শপতনামা দাখিল কৰিবলৈ আহ্বান জনাইছে৷
উচ্চতম ন্যায়ালয়ে পঞ্জাৱ আৰু হাৰিয়ানা ৰাজ্যইও বিগত ১০ দিনত আতচবাজীৰ ব্যৱহাৰ সবিশেষ জনাই শপতনামা দাখিল কৰিবলৈ নিৰ্দেশ দিছে।এই দীপাৱলীত প্ৰদূষণ সন্দৰ্ভত কি পদক্ষেপ গ্ৰহণ কৰা হৈছিল বুলি উচ্চতম ন্যায়ালয়ে প্ৰশ্ন উত্থাপন কৰিছে। ১৪ নৱেম্বৰত আদালতে এই দিশসমূহৰ ওপৰত পৰৱৰ্তি শুনানি গ্ৰহণ কৰিব বুলি সদৰি কৰিছে।
Continue Reading
