উত্তৰ প্ৰদেশৰ গাজিয়াবাদত পোহৰলৈ আহিছে; এক আশ্চৰ্যজনক ঘটনা...

গাজিয়াবাদৰ মুছুৰী থানা এলেকাৰ গাঁও মুবাৰিকপুৰ দাসনা অঞ্চলত এই আশ্বৰ্যকৰ ঘটনাটো সংঘটিত হৈছে। বজ্ৰপাতৰ বাবে পথাৰত স্বয়ংক্ৰিয়ভাৱে সৃষ্টি হোৱা ৮-১০ ফুট দ গাঁতত এটা প্ৰাচীন শিৱলিংগ দেখিবলৈ পোৱা যায়। এই গাঁতটো চাবলৈ মানুহ আহি তেওঁলোকে এই দৃশ্য দেখিল আচৰিত হৈ পৰে।  ইয়াৰ পিছতে সেই স্থানত বৃহৎ সংখ্যক লোক সমবেত হয়।

গাঁওখনৰ ৰাইজে জনোৱা মতে, পথাৰত বজ্ৰপাতৰ ফলত সৃষ্টি হোৱা গাঁতটোত এটা শিৱলিংগ উদ্ধাৰ কৰা হৈছে। গাঁৱৰ মানুহে বিশ্বাস কৰে যে এইটো এটা ঐশ্বৰিক পৰিঘটনা। পথাৰৰ পৰা শিৱলিংগ উলিয়াই পূজা কৰি ওচৰৰ মন্দিৰত স্থাপন কৰিছে  বুলি জানিব পৰা গৈছে। সেই স্থানত এতিয়া স্থানীয় ৰাইজে শিৱ মন্দিৰ নিৰ্মাণৰ কথা কৈছে। পথাৰত উদ্ধাৰ হোৱা শিৱলিংগত তিনিটা শাৰী থকা ত্ৰিপুণ্ড চিহ্ন আছে। পথাৰৰ গাঁতত শিৱলিংগ পোৱাৰ লগে লগে ইয়াৰ মানুহবোৰ বৰ উৎফুল্লিত হৈ পৰে আৰু মহিলাসকলেও ভজন আৰু কীৰ্তন কৰে। খেতিৰ গৰাকীয়েও কয় যে তেওঁ নিজৰ খেতিৰ মাটি মন্দিৰ নিৰ্মাণৰ বাবে প্ৰদান কৰিব।