ডিজিটেল ডেস্কঃ ভেকুৰী তিতা আমাৰ সকলোৰে পৰিচিত বহল পাতৰ এবিধ কাঁইটীয়া গুল্ম জাতীয় উদ্ভিদ। ভেকুৰী তিতা এবিধ বনৌষধি। ইয়াৰ ফলৰ সোৱাদ তিতা। ই এবিধ বনৰীয়া গছ। নৈ কাষৰীয়া ঠাইত, বাম খেতিপথাৰৰ কাষত ইয়াৰ গছ দেখিবলৈ পোৱা যায়। খেতি কৰা নহয় যদিও ইয়াৰ সেউজীয়া সৰু সৰু ফলবোৰ ছিঙি আনি ঔষধ হিচাপে কেঁচাই বা ভাজি ভাতৰ লগত খোৱা হয়। ইয়াৰ গছ জোপোহা, কাঁইটীয়া আৰু ডেৰ মিটাৰমানলৈকে ওখ হয়। ডালবোৰ কজলা বা সেউজীয়া আৰু ক্ষুদ্ৰ ক্ষুদ্ৰ নোমেৰে আবৃত। পাতবোৰ দেখাত বেঙেনা পাতৰ দৰে। ভেকুৰীৰ প্ৰকাৰ দুবিধ- সৰু ভেকুৰী আৰু বৰ ভেকুৰী।
ভেকুৰীৰ উপকাৰিতা
১)ভেকুৰীৰ শিপা, জালুক আৰু নিমখ দি এমাহ দিন দিনে এবাৰকৈ ৰান্ধি খালে বহুদিনীয়া পিত্ত ৰোগ ভাল হয়।
২)পাথৰি ৰোগত ইয়াৰ শিপাৰ ৰস খাব লাগে।
৩)টকৌৱে খোৱা ৰোগত ভেকুৰী তিতাৰ পাত খুন্দি মূৰত প্ৰলেপ দিলে সুফল পোৱা যায়।
৪) septic ulcer , কুষ্ঠ, হাঁপানি ৰোগত ভেকুৰী সুপথ্য।
৫)বমি ভাব বন্ধ কৰিবলৈ ভেকুৰী তিতাৰ ৰস খাব লাগে।
৬) ইয়াৰ কাণ্ড, পাত, শিপা, ফল আদি শ্বাসৰোগ, শুকান কাহ, কৃমি, পেটৰ কামোৰণি, জ্বৰ, দাঁতৰ বিষ, বদহজমী, পানীয়ে খোৱা, নাকৰ ভিতৰত ঘা লগা, প্ৰস্ৰাৱ কৰোতে কষ্ট পোৱা আদি নানা ৰোগত বনৌষধ হিচাপে ব্যৱহাৰ কৰা হয়।
৭) ই বসন্ত ৰোগ প্ৰতিৰোধ কৰিব পাৰে।
৮)ই শিশুৰ বিভিন্ন ৰোগ নাশ কৰিব পাৰে।
৯)তিতা-ভেকুৰী কাহ-কফত বৰ উপকাৰী।
১০)হৃদৰোগ নাইকিয়া কৰে।
১১) ই কৃমি নাশ কৰিব পাৰে।
১২) মুখৰ অৰুচি ভাৱ দূৰ কৰে।
আহক আমি এই বনৌষধি গুণেৰে ভৰপূৰ ভেকুৰী তিতা খাওঁ আৰু সুস্থ হৈ থাকোঁ...
Continue Reading
