ডিজিটেল ডেস্কঃ বলীউড অভিনেত্ৰী কংগনা ৰাণাউটে(Kangana Ranaut) কিবা নহয় কিবা কথাত প্ৰায়ে সংবাদ শিৰোনাম দখল কৰি থাকে। ভিন্ন সময়ত বিভিন্ন বিতৰ্কমূলক কথা কৈয়ো কংগনা চৰ্চাত থাকে। এইবাৰ এজন যুৱকক মুকলিকৈ চুম্বন কৰি আলোচনাৰ বিষয় হৈ পৰিছে অভিনেত্ৰীগৰাকী। বৰ্তমান সময়ত কংগনা তেওঁৰ আহিবলগীয়া ছবি ‘ধাকড়’ৰ প্ৰচাৰত ব্যস্ত হৈ আছে।
ৰিয়েলিটি শ্ব’ ‘লক আপ’ৰ হষ্ট হিচাপেও দেখা গৈছে অভিনেত্ৰীগৰাকীক। শেহতীয়াকৈ এটা ভিডিঅ’ ভাইৰেল হৈ পৰিছে য’ত দেখা গৈছে এটা পাৰ্টিত অভিনেত্ৰীগৰাকীয়ে সকলোৰে সন্মুখত এজন যুৱকক দুবাৰকৈ চুমা খাইছিল। সকলোৱে জানিবলৈ ব্যগ্ৰ হৈ পৰিল কোন এই যুৱক...যিয়ে কংগনাৰ চুম্বনৰ পৰশ পালে। ভিডিঅ’টোত দেখা পোৱা যুৱকজন আন কোনো নহয়, তেওঁ ‘লক আপ’ৰ অন্যতম জনপ্ৰিয় প্ৰতিযোগী শিৱম শৰ্মা। অভিনেত্ৰীগৰাকীয়ে হঠাতে শিৱমক চুম্বন যঁচাত শিৱম নিজেই আচৰিত হৈ পৰিছে, সেই কথা তেওঁৰ প্ৰতিক্ৰিয়ালৈ চালেই বুজিব পাৰি।
চাওক ভিডিঅ’
উল্লেখযোগ্য যে লক আপৰ এই প্ৰথম ছিজনৰ শেষত মুনায়াৰ ফাৰুকিয়ে ট্ৰফী অৰ্জন কৰিবলে সক্ষম হয়। এই ৰিয়েলিটি শ্ব’টোৰ শেষত কংগনা ৰাণাউট আৰু একতা কাপুৰে একেলগে গ্ৰেণ্ড পাৰ্টি কৰিছিল। তাত বলীউডৰ কেইবাগৰাকী বিখ্যাত তাৰকাও উপস্থিত আছিল। লক আপ’ৰ সকলো প্ৰতিযোগীও উপস্থিত আছিল। এই পাৰ্টিতে শিৱম শৰ্মাক চুমা খাইছিল কংগনাই। অভিনেত্ৰীগৰাকীৰ এই কাৰ্যই শিৱম শৰ্মাৰ লগতে সমগ্ৰ নেটিজেনকো আচৰিত কৰি তুলিছে। বহুতে বহু প্ৰশ্ন কৰিলেও পাছে কংগনাই এই সন্দৰ্ভত কোনো প্ৰতিক্ৰিয়া ব্যক্ত কৰা নাই।
আৰু পঢ়কঃ সোৱাদতেই নহয় ঔষধি গুণতো অতুলনীয় খৰিচা! জানো আহক ইয়াৰ উপকাৰিতা
