১৪ দালাই লামাৰ পৱিত্ৰ জন্ম দিৱসত কৈলাশ শৰ্মা সম্বৰ্ধিত

ডিজিটেল ডেস্ক : তিব্বতৰ স্বাধীনতা আৰু সনাতনী ধৰ্মৰ সকলোতকৈ পৱিত্ৰ তীৰ্থস্থান কৈলাশ মানসসৰোবৰক চীনৰ হাতৰ পৰা উদ্ধাৰ কৰাৰ বাবে বিগত কেবাবছৰো সক্ৰিয় ভূমিকা গ্ৰহণ কৰি অহা ভাৰত তিব্বত সহযোগ মঞ্চ, অসম প্ৰান্তৰ সভাপতি আন্তৰ্জাতিক খ্যাতি সম্পন্ন ক্ৰীড়াবিদ-সমাজকৰ্মী কৈলাশ শৰ্মাক আজি তিব্বতী ধৰ্মগুৰু তথা তিব্বতৰ স্বাধীনতাৰ বাবে বৰ্তমান ধৰমশালাত নিৰ্বাসিত হৈ থকা ১৪ দালাই লামাৰ তিব্বতী কেলেণ্ডাৰ অনুসৰি পৱিত্ৰ ৯০ সংখ্যক জন্মদিৱস উপলক্ষে আজি গুৱাহাটীত মেন-চি-খাং তিব্বতী চিকিৎসা কেন্দ্ৰৰ তিব্বতী নিৰ্বাসিত চৰকাৰৰ হৈ মুখ্য চিকিৎসা বিষয়া ড০ টেনজিং গেলেক আৰু থিনলে কালডেঙে তিব্বতী সকলৰ বাবে আগবঢ়োৱা সেৱাৰ বাবে মহামান্য তিব্বতী ধৰ্ম গুৰু দালাই লামাই লিখি উলিওৱা '' Voice of the Voiceless'' নামৰ এখন মূল্যবান গ্ৰন্থ, দালাই লামা স্বাক্ষৰিত এখন মানপত্ৰ আৰু প্ৰসাদৰ টোপোলা এটাৰে সম্বৰ্ধনা জনায়।

ভাষণ প্ৰসংগত ভাৰত তিব্বত সহযোগ মঞ্চ,অসম প্ৰান্তৰ সভাপতি কৈলাশ শৰ্মাই তিব্বতৰ সৈতে ভাৰতৰ লগতে অসমৰ দালাই সম্পৰ্কৰ ওপৰিও হাজাৰ হাজাৰ বছৰৰ পৰা তিব্বতৰ থকা সম্পৰ্কৰ বিষয়ে উনুকিয়াই আগন্তুক দিনত ভাৰতৰ সহযোগত চীনৰ কব্জাৰ পৰা তিব্বতে স্বাধীনতা পাবই বুলি ঘোষণা কৰে আৰু আগ্ৰাসী চীনক তিব্বতৰ পৰা আঁতৰি যাবলৈ দাবী জনায়।

কৈলাশ শৰ্মা,

সভাপতিঃ ভাৰত তিব্বত সহযোগ মঞ্চ, অসম প্ৰান্ত